SportPress.kz قازاقستان سپورت جاڭالىقتارى
بۇگىن ازەربايجاننىڭ قاراباق ارنايى ەكونوميكالىق ايماعىنىڭ ورتالىعى – حانكەندى قالاسىندا جەرگىلىكتى Qarabağ فۋتبول كلۋبى العاش رەت جاسىل الاڭعا شىقتى.
Qarabağ پەن MOİK كلۋبتارىنىڭ ويىنىنا ەل پرەزيدەنتى يلحام اليەۆ قاتىستى. ول سالتاناتتى جاعدايدا الاڭنىڭ ورتاسىندا تۇرعان دوپتى تەۋىپ، ماتچتى باستاپ بەردى.
بۇعان دەيىن حابارلانعانداي، ازەربايجان رەسپۋبليكاسىنىڭ پرەزيدەنتى يلحام اليەۆتىڭ مەملەكەت باسشىسى بولىپ سايلانعانىنا 20 جىل تولۋىنا بايلانىستى تاۋلى قاراباقتىڭ بىرنەشە قالاسىندا وسى ەلدىڭ مەملەكەتتىك تۋى كوتەرىلىپ، عيماراتتارعا ەلتاڭباسى قويىلدى. ودان باسقا ازەربايجاننىڭ حانكەندى قالاسىندا ەكىنشى قاراباق سوعىسىنداعى جەڭىسىنىڭ قۇرمەتىنە وراي اسكەري شەرۋ بولدى. وعان ءار باسشىسى يلحام اليەۆ پەن ونىڭ زايىبى، ءبىرىنشى ۆيتسە-پرەزيدەنت مەحريبان اليەۆا مەن ولاردىڭ ۇلى گەيدار اليەۆ قاتىستى.
بۇل پاراد ازەربايجان رەسپۋبليكاسىندا جىل سايىن 8 قاراشادا وتكىزىلىپ كەلەدى. وسى كۇنى 2020 جىلى ازەربايجان قارۋلى كۇشتەرى ارمەنيا اسكەرىنەن تاۋلى قاراباقتىڭ 3 اۋدانى مەن وعان اينالاسىنداعى 7 اۋداندى ازات ەتكەن بولاتىن. بۇل سوعىس 44 كۇن بولعان. ونى ازەربايجاندا وتان سوعىسى نەمەسە ەكىنشى قاراباق سوعىسى دەپ اتايدى. وسى سوعىستا ازەربايجان تاۋلى قاراباقتاعى 5 قالانى، 4 پوسەلوكتى، 286 اۋىل مەن كوپتەگەن ستراتەگيالىق جەرلەردى ازات ەتتى. ال بيىلعى 28 قىركۇيەكتە تاۋلى قاراباق تولىعىمەن ازەربايجاننىڭ قۇرامىنا قوسىلدى. بۇعان دەيىن ول جارتىلاي ارميان سەپاراتيستەرىنىڭ قۇرامىندا بولعان ەدى.
داستان كەنجالين،
استانا
