Qarabaqta Qarabağ fýtbol klýby alǵash ret alańǵa shyqty (VIDEO)

Búgin Ázerbaıjannyń Qarabaq arnaıy ekonomıkalyq aımaǵynyń ortalyǵy – Hankendi qalasynda jergilikti Qarabağ fýtbol klýby alǵash ret jasyl alańǵa shyqty.

Qarabağ pen MOİK klýbtarynyń oıynyna el prezıdenti Ilham Álıev qatysty. Ol saltanatty jaǵdaıda alańnyń ortasynda turǵan dopty teýip, matchty bastap berdi.

Buǵan deıin habarlanǵandaı, Ázerbaıjan Respýblıkasynyń prezıdenti Ilham Álıevtiń memleket basshysy bolyp saılanǵanyna 20 jyl tolýyna baılanysty Taýly Qarabaqtyń birneshe qalasynda osy eldiń memlekettik týy kóterilip, ǵımarattarǵa eltańbasy qoıyldy. Odan basqa Ázerbaıjannyń Hankendi qalasynda Ekinshi Qarabaq soǵysyndaǵy jeńisiniń qurmetine oraı áskerı sherý boldy. Oǵan ÁR basshysy Ilham Álıev pen onyń zaıyby, birinshi vıe-prezıdent Mehrıban Álıeva men olardyń uly Geıdar Álıev qatysty.

Bul parad Ázerbaıjan Respýblıkasynda jyl saıyn 8 qarashada ótkizilip keledi. Osy kúni 2020 jyly Ázerbaıjan qarýly kúshteri Armenııa áskerinen Taýly Qarabaqtyń 3 aýdany men oǵan aınalasyndaǵy 7 aýdandy azat etken bolatyn. Bul soǵys 44 kún bolǵan. Ony Ázerbaıjanda Otan soǵysy nemese Ekinshi Qarabaq soǵysy dep ataıdy. Osy soǵysta Ázerbaıjan Taýly Qarabaqtaǵy 5 qalany, 4 poselokty, 286 aýyl men kóptegen strategııalyq jerlerdi azat etti. Al bıylǵy 28 qyrkúıekte Taýly Qarabaq tolyǵymen Ázerbaıjannyń quramyna qosyldy. Buǵan deıin ol jartylaı armıan separatısteriniń quramynda bolǵan edi.

Dastan KENJALIN,

ASTANA