قازاقستاننىڭ ەكى جاس تەننيسشىسى ۇزدىك شەتەلدىك ويىنشى اتاندى

ەلىمىزدىڭ ەكى جاس تەننيسشىسى 14 جاستاعى ەۆا كورىشەۆا مەن 16 جاستاعى دانيەل تازابەكوۆ Tennis Europe سەرياسى بويىنشا 2023 جىلدىڭ ۇزدىك شەتەلدىك ويىنشىسى اتاندى. 

ولار ەۋروپا تەننيس قاۋىمداستىعىنان (Tennis Europe Tour) «جىلدىڭ ۇزدىك ويىنشىسى» (ەۋروپالىق وداق ەلدەرىنەن ەمەس) سىيلىعىنا يە بولدى.

ە.كورىشەۆا بيىلعى جىلدى ىستانبۇل تۋرنيرىندەگى جەڭىسىمەن باستادى. سودان كەيىن ول بەلگيادا ءبىرىنشى ساناتتاعى جارىستا ۇزدىك شىقتى. ەۆا Tennis Europe رەيتينگىندە جەكەلەي سىندا جىلدى 18-ورىنمەن قورىتىندىلادى. ول 24 جەڭىس، 5 جەڭىلىسپەن (83 پايىز) رەكوردتىق كورسەتكىش كورسەتتى. سونداي-اق جۇپتىق سىندا ەكى مارتە جەڭىمپاز اتاندى.

تازابەكوۆ Tennis Europe اياسىندا وتكەن جەتى دودادا باق سىناپ، جاقسى ناتيجەلەرگە يە بولدى. سونىڭ ناتيجەسىندە جىل سوڭىندا 20-ورىنعا كوتەرىلدى. ونىڭ رەكوردتىق كورسەتكىشى –15 جەڭىس، 7 جەڭىلىس (68 پايىز). بيىل ول جۇپتىق سىندا ەكى رەت يسپانيادا اۆيلەستە Apple Bowl جانە يتاليادا تولەنتينو تۋرنيرىندە (ەكەۋى دە ءبىرىنشى سانات) وزىق شىقتى.

وتكەن جىلى زاڭعار نۇرلان ۇلى، ال 2021 جىلى زارا داركەن ۇزدىك شەتەلدىك ويىنشى بولعان ەدى.

داستان كەنجالين،

استانا