Qazaqstannyń eki jas tennısshisi úzdik sheteldik oıynshy atandy

Elimizdiń eki jas tennısshisi 14 jastaǵy Eva Korysheva men 16 jastaǵy Danıel Tazabekov Tennis Europe serııasy boıynsha 2023 jyldyń úzdik sheteldik oıynshysy atandy. 

Olar Eýropa tennıs qaýymdastyǵynan (Tennis Europe Tour) «Jyldyń úzdik oıynshysy» (Eýropalyq odaq elderinen emes) syılyǵyna ıe boldy.

E.Korysheva bıylǵy jyldy Ystanbul týrnırindegi jeńisimen bastady. Sodan keıin ol Belgııada birinshi sanattaǵy jarysta úzdik shyqty. Eva Tennis Europe reıtınginde jekeleı synda jyldy 18-orynmen qorytyndylady. Ol 24 jeńis, 5 jeńilispen (83 paıyz) rekordtyq kórsetkish kórsetti. Sondaı-aq juptyq synda eki márte jeńimpaz atandy.

Tazabekov Tennis Europe aıasynda ótken jeti dodada baq synap, jaqsy nátıjelerge ıe boldy. Sonyń nátıjesinde jyl sońynda 20-orynǵa kóterildi. Onyń rekordtyq kórsetkishi –15 jeńis, 7 jeńilis (68 paıyz). Bıyl ol juptyq synda eki ret Ispanııada Avıleste Apple Bowl jáne Italııada Tolentıno týrnırinde (ekeýi de birinshi sanat) ozyq shyqty.

О́tken jyly Zańǵar Nurlanuly, al 2021 jyly Zara Dárken úzdik sheteldik oıynshy bolǵan edi.

Dastan KENJALIN,

ASTANA