«شاۆكات اياعىمدى ايامادى»: تومپسون راحمونوۆپەن جەكپە-جەك تۋرالى ايتتى

جاقىندا اقش-تىڭ لاس-ۆەگاس قالاسىندا وتكەن UFC 296 تۋرنيرىندە شاۆكات راحمونوۆتان (18-0) جەڭىلگەن امەريكالىق ستيۆەن تومپسون (17-7-1) جەكپە-جەكتىڭ قالاي بولعانىن ايتتى.

بۇل جەكپە-جەكتە راحمونوۆ قىلقىندىرۋ ادىسىمەن قارسىلاسىن ۋاقىتىنان بۇرىن جەڭگەن بولاتىن. تومپسوننىڭ ايتۋىنشا، جەكپە-جەك وتە تارتىستى بولعان. الايدا ول ايقاستىڭ ەكىنشى راۋندتا بىتەتىنىن ويلاماعان.

شىنىمدى ايتايىن، ەكىنشى راۋندتا راحمونوۆ جەڭىپ كەتەدى دەپ ويلاعان جوقپىن. نە دەگەنمەن ول جەڭدى. ءبارى جاقسى. ۋايىمداماڭىزدار. ءبىز العا قاراي جۇرە بەرەمىز. مەن جەكپە-جەكتەن كەيىن ۇيگە جاراقاتسىز ورالدىم. تەك شاۆكاتقا جاساعان سوققىم ونىڭ دەنەسىنە ەمەس شىنتاعىنا ءتيىپ اياعىمدى سىندىرعان سياقتىمىن.

قارسىلاسىڭىزدىڭ شىنتاعىن تەپپەڭىز. بۇل ۇلكەن قاتەلىك. جالپى، شاۆكات مەنىڭ اياعىمدى اياعان جوق. ءيا، مەن اياعىمدى سىندىردىم. بىراق مەن قايتادان دايىندالۋ ءۇشىن زالعا ورالامىن، — دەدى ول ءوزىنىڭ YouTube ارناسىندا.

سونداي-اق، ول بارلىق جانكۇيەرگە قولداۋ كورسەتكەنى ءۇشىن العىس ايتتى.

ارينە، ءبارى مەن قالاعانداي بولمادى. شاۆكاتتان جەڭىلدىم. بۇل مەنىڭ قاتەلىگىم. دەگەنمەن ادام العا قويعان ماقسات-مۇراتىنا جەتۋ ءۇشىن جوسپار قۇرىپ، العا جۇرە بەرۋ كەرەك. مەن ءوز جوسپارىما بەرىكپىن، — دەدى تومپسون.

بۇل جەكپە-جەك 17 جەلتوقساندا بولعان ەدى. وندا شاۆكات راحمونوۆ مما-دا 18-ءشى كاسىپقوي جەكپە-جەگىن وتكىزىپ، ال UFC-دە التىنشى رەت وكتاگونعا شىعىپ، جەڭىسكە جەتتى.

داستان كەنجالين،

استانا