Boksshy Mahmud Sabyrhan jyldyń úzdik sportshysy atandy

Astanada Týrızm jáne sport mınıstrliginiń uıymdastyrýymen 2023 jyldyń qorytyndysy boıynsha «Úzdik» atty sportshylardy saltanatty marapattaý is-sharasy ótti. Jyl saıynǵy dástúrli is-sharada el abyroıyn asqaqtatyp, jeńis tuǵyrynan kóringen sportshylar, sport salasyna eleýli úles qosqan sala mamandary 18 atalym boıynsha marapattalady, dep habarlady vedomstvo.

Saltanatty jıynǵa Parlamenttiń depýtattary, Olımpıada chempıondary men júldegerleri jáne bıylǵy álem chempıondary men halyqaralyq jarystardyń jeńimpazdary men júldegerleri, sport jýrnalısteri qatysty.

Jıynda sóz alǵan týrızm jáne sport mınıstri Ermek Marjyqpaev bıyl el sporty úshin sátti jyl bolǵanyn, sportshylar halyqaralyq arenalarda jarqyn jeńisterge jetip, úzdik dep tanylǵan sportshylardy quttyqtady.

Búgin biz bıylǵy jumystarymyzdy qorytyndylaý jáne úzdik sportshylardy qurmetteý úshin arnaıy jınalyp otyrmyz. Bıyl el sportynda aıtýly jeńister az bolǵan joq. Jalpy, sport salasy elimizde qarqyndy damyp keledi. Sporttyń barlyq túri boıynsha otandyq sportshylar jankúıerlerdi óz jetistikterimen árdaıym qýantyp júr. Ulttyq qurama sportshylary jyl basynan beri 1 400 halyqaralyq jarysqa qatysyp, 864 medal jeńip aldy. Onyń ishinde 291 altyn, 262 kúmis jáne 311 qola medal bar. Álem chempıonattarynda 68 altyn medal, Azııa chempıonattarynyń 47 altyn júlde, Azııa oıyndary 10 altyn oljalady. Memleket basshysy el táýelsizdigi tarıhynda alǵash ret Azııa oıyndarynyń júldegerlerin qabyldap, marapattaǵanyn erekshe atap ótkim keledi, — dedi Ermek Marjyqpaev.

Sonymen, myna sportshylar men jattyqtyrýshylar, sport basqarmalary men federaııalar jyl qorytyndysy boıynsha «Úzdik» dep tanyldy:

Núrken Rahmanqul – «Jyldyń úzdik aýyl jattyqtyrýshysy»;

Kenjeǵalı Bekqulov – «Aýyldyq jerdegi úzdik dene shynyqtyrý jáne sport ádiskeri»;

Raýan Qazezov – «Aýyldyq jerdegi úzdik dene shynyqtyrý jáne sport nusqaýshysy»;

Buqar jyraý aýdanynyń dene shynyqtyrý jáne sport bólimi – «Aýdandyq úzdik dene shynyqtyrý jáne sport bólimi»;

Ishar Kýrbaev – «Jas jáne jasósipirimder quramyndaǵy sportshy»;

Vıktorııa Volkova – «Jyldyń úzdik balalar jattyqtyrýshysy»;

Natalıa Sýhacheva – «Dene shynyqtyrý jáne sport salasyndaǵy úzdik maman»;

Berik Qonysbekov – «Úzdik sport dárigeri»;

Móldir Jańbyrbaı, Mılad Karımı, Rýslan Qurbanov –  «Jyldyń úzdik nátıjeleri»;

Qazaqstandyq sporttyq atý federaııasy – «Jyldyń úzdik akkerdıtelgen sport federaııasy»;

Tımýr Týrlov – «Jyldyń úzdik akkerdıtelgen sport federaııasynyń prezıdenti»;

Ádilet Bármenqulov – «Jyldyń úzdik sport menedjeri»;

Múmkindigi shekteýli adamdarǵa arnalǵan Úmit sport klýby – «Jyldyń úzdik sport uıymy»;

Almaty qalasy – «Úzdik sporttyq óńir»;

Sergeı Shabalın (Rýslan Qurbanovtyń jattyqtyrýshysy) – «Jyldyń úzdik jattyqtyrýshysy»;

Rızabek Aıtmuhan – «Sporttaǵy úzdik serpin»;

Mahmud Sabyrhan, Erbol Hamıtov – «Jyldyń úzdik sportshysy»;

Samat Qanaǵatov, Jandos Busurmanov, Erbol Qaıyrov – «Úzdik sport jýrnalısi.