Astanada Olımpıadaǵa daıyndyq shtaby ashyldy (FOTO, VIDEO)

Astanada Týrızm jáne sport mınıstrligi janynan qysqy jasóspirimder Olımpıadasy men jazǵy Olımpıada jáne Paralımpııalyq oıyndarǵa daıyndyq shtaby ashyldy, dep habarlady vedomstvo.

Byltyr 13 jeltoqsanda týrızm jáne sport mınıstriniń sport sarapshylarynyń qatysýymen jasóspirimder Olımpıadasy men Olımpııalyq jáne Paralımpııalyq oıyndarǵa ulttyq qurama komandalardyń jumysyn uıymdastyrý boıynsha shtab qurý týraly buıryǵy shyqqan bolatyn.

Bul shtab memleket basshysynyń tapsyrmasy boıynsha Týrızm jáne sport mınıstrligi, Ulttyq Olımpıada komıteti men sport federaııalarynyń birigip jumys isteýi úshin quryldy. Shtabtyń negizgi jumysy – sportshylardyń aldaǵy jarystarǵa sapaly daıyndyǵyn qamtamasyz etý. Shtab barlyq keshendi jarystar aıaqtalǵanǵa deıin turaqty negizde jumys isteıtin bolady.

Shtabtyń quramyna 6 adam kirdi. Olar — UOK sport departamentiniń dırektory Elsııar Qanaǵatov, UOK Bas hatshysynyń orynbasary Serik Sápıev, týrızm jáne sport mınıstriniń qoǵam jáne buqaralyq aqparat quraldarymen baılanys jónindegi keńesshisi Dıas Ahmetshárip, ýrızm jáne sport mınıstrligi Sport jáne dene shynyqtyrý isteri komıtetiniń «Sportty damytý dırekııasy» RMQK kórkem gımnastıkadan komanda basshysy Álııa Nursafına, Týrızm jáne sport mınıstrligi Sport jáne dene shynyqtyrý isteri komıtetiniń «Sportty damytý dırekııasy» RMQK sporttyq órmeleýden komanda basshysy Nursultan Aldońǵarov pen «Ulttyq konkıshiler federaııasy» Respýblıkalyq qoǵamdyq birlestiginiń sporttyq dırektory Bektur Qııatbaı.

Is-sharaǵa Olımpıada chempıondary men júldegerleri jáne bıylǵy álem chempıondary, halyqaralyq jarystardyń jeńimpazdary men júldegeri, sport jýrnalısteri qatysty.

Jıynda sóz alǵan týrızm jáne sport mınıstri Ermek Marjyqpaev byltyrǵy jyl el sporty úshin sátti jyl bolǵanyn, otandastarymyzdyń halyqaralyq arenalarda jarqyn jeńisterge jetkenine erekshe toqtalyp, bıylǵy jylǵy dúrmekti dodalarǵa daıyndyq barysyn baıandady.

Byltyr elimizde ótetin V Dúnıejúzilik kóshpendiler oıyndaryna aýqymdy daıyndyq bastaldy. Memleket basshysy birer kún buryn Egemen Qazaqstan gazetine suhbatynda «Dúnıejúzilik kóshpendiler oıynyn ótkizý de elimiz úshin aıtýly oqıǵa bolatynyn aıtty. «Baıraqty báseke ulttyq sport pen salamatty ómir saltyn dáripteý jaǵynan da, Uly daladaǵy kóshpendiler órkenıetiniń murageri sanalatyn baýyrlas halyqtardyń mádenı-gýmanıtarlyq baılanysyn arttyrý turǵysynan da mańyzdy ekeni sózsiz», — dep atap ótti .

Búgin biz memleket basshysynyń Kanvon-2024 qysqy jasóspirimder Olımpıadasyna, Parıjdegi jazǵy Olımpıada men Paralımpıadaǵa daıyndyq jónindegi tapsyrmasyn oryndaý maqsatynda qurylǵan shtabtyń birinshi otyrysyna jınaldyq. Ulttyq quramanyń sapaly daıyndyǵy úshin sportshylar pýly, ıaǵnı lıenzııa men medal jeńip alýy múmkin úmitkerler jasaqtaldy. Quramanyń keıbir kóshbasshylary Olımpıadaǵa jeke jospar boıynsha daıyndalady. Iaǵnı, ár sport túriniń ereksheligin, sportshynyń qajettiligin, fızıoterapııany, jaraqattardy ońaltý men aldyn alýdy, psıhologııalyq qoldaýdy jáne sportshylardy jarysqa daıyndalýda stressti basqarýǵa kómektesýdi qosa alǵanda, medıınalyq-bıologııalyq qamtamasyz etýdi eskere otyryp jasalady. Aıta ketý kerek, sportshylardy daıarlaý kúntizbesin qalyptastyrý tásilderi men qaǵıdattary tolyǵymen qaıta qaraldy, — dedi Ermek Marjyqpaev.

Eske sala ketsek, IV qysqy jasóspirimder Olımpıadasy 19 qańtar men 1 aqpan aralyǵynda Ońtústik Koreıanyń Kanvon qalasynda ótedi. Al Franııanyń Parıj qalasynda XXXIII jazǵy Olımpıada oıyndary 26 shilde men 11 tamyzy aralyǵynda bolsa, HVII jazǵy Paralımpııalyq oıyndar jalaýyn 28 tamyz  8 qyrkúıektiń aralyǵynda jelbiretedi.