100 fýtbol menedjeri alǵash ret kásibı bilim alyp shyqty

Elimizde alǵash ret Alma Almaty management university men Qazaqstan fýtbol federaııasynyń (QFF) uıymdastyrýymen «Fýtbol menedjmenti» baǵdarlamasy boıynsha 100 adam kásibı bilim alyp shyqty.

Bul oqýlar byltyr jazda bastaldy. Qazir oqýdy aıaqtaǵan adamdar naǵyz maman bolyp, fýtbol klýbtarymen jumys isteýge kirisip ketti. Endi aldaǵy eki jarym jylda atalǵan baǵdarlama boıynsha 3 myń menedjerdi daıyndaý josparlanyp otyr.

Byltyr jeltoqsan aıynan beri baǵdarlamany EA Group qoldaı bastady. Sol kezden bastap fýtbol menedjerlerin daıyndaý úshin taǵy bir kýrs bastaldy. EA Group-tyń ókili Erik Áýbákirovtiń aıtýynsha, úshinshi lekte kýrsqa qatysqan adamdar 9 modýl boıynsha bilim aldy. Olar strategııalyq menedjment, qarjy, operaııalyq menedjment, komandany basqarý (HR), ınfraqurylymdy basqarý, is-sharalardy uıymdastyrý, sport agenti, sport marketıngi, demeýshilik jáne jankúıerlermen baılanysty damytýdy úırendi.  Sondaı-aq, oqytý kásipkerlik daǵdylardy da damytýǵa arnaldy.

«Fýtbol menedjmenti» kýrsy fýtbol ındýstrııasyndaǵy bolashaq kóshbasshylardy daıyndaıtyn platforma. Baǵdarlamada 9 modýl bar. Men burynǵy fýtbolshy ári kásipker retinde sport klýbtaryn kásibı túrde basqarý da mańyzdy ekenin túsindim. Bizdiń maqsatymyz – fýtbol klýbtary men alańdaryn damytyp, júıeli túrde qoldaý. AlmaU-men áriptestik ornatyp, fýtboldy birge damytamyz degen oıdamyn, — dedi CEO EA Group Erik Áýbákirov.

QFF prezıdenti Ádilet Barmenqulov ta  fýtbol ındýstrııasyn turaqty damytýdyń mańyzy zor ekenin aıtty. Onyń pikirinshe, fýtbol uıymdaryn tıimdi basqarýda bilikti menedjerler mańyzdy rol oınaıdy. Sondyqtan, myqty fýtbol ekojúıesin qurý úshin bilikti mamandar qajet.

Jalpy, Qazaqstan fýtbol federaııasy men AlmaU sporttyq menedjment ortalyǵy 2022 jyldan beri tyǵyz baılanysta jumys istep keledi.  AlmaU sporttyq menedjment ortalyǵynyń dırektory Nurlybek Syzdyqovtyń aıtýynsha,  QFF-men birge birtalaı sharýa istelindi. Al «Fýtbol menedjmenti» baǵdarlamasy bul fýtbol menedjerlerin qalyptastyrýǵa baǵyttalǵan elimizdegi jalǵyz bilim jobasy.

Biz barlyq oblystardy sport pen bilimdi ushtastyryp, jumys isteýge shaqyramyz. Bizden 16 men 55 jas aralyǵyndaǵy azamattar bilim alyp keledi. Negizinen er adamdar. Olar kásibı bilim alyp, fýtbol klýbtarynda jumys isteıtin bolady, — dedi ol.

Sonymen birge onyń pikirinshe, «Fýtbol menedjmenti» baǵdarlamasynyń túlekteri oqý aıaqtalǵan soń QFF-dan nemese ózge de fýtbol klýbtarynda taǵylymdamadan ótip, óz bilimderin shyńdaı alady. Qazir osy baǵdarlama túlekteri jaqsy qyrlarynan tanylyp, fýtbol klýbtaryna qyzmetke ornalasyp, ındýstrııada jaqsy nátıje kórsetýde.

Oǵan mysal retinde Saıat Aýǵalıevti aıtýǵa bolady. Ol oqý kezinde Qaraǵandynyń «Shahter» klýbynda taǵylymdamadan ótip, baǵdarlama aıaqtalǵan soń klýbpen kelisimshartqa otyrdy.

Alma Almaty management university

 ALMATY