SportPress.kz قازاقستان سپورت جاڭالىقتارى
گەرمانيانىڭ بۇرىنعى تەننيسشىسى سونيا جيەنباەۆا قازاقستان ازاماتتاعىن الدى دەگەن دەرەك شىقتى. بۇل تۋرالى Telegram-داعى رىباكينانىڭ راكەتكاسى ارناسى حابارلادى.
سونيا جيەنباەۆانىڭ جاسى 17-دە. ول 2006 جىلى 2 شىلدەدە الماتى قالاسىندا تۋعان.
ونىڭ اناسى – قازاق، اكەسى – نەمىس ۇلتىنان. بالا كەزىندە سونيا جيەنباەۆا وتباسىمەن گەرمانياعا كوشكەن.
2022 جىلى ول جاسوسپىرىمدەر اراسىندا الەمدىك رەيتينگىدە ۇزدىك 30 تەننيسشىنىڭ قاتارىنا كىردى. التى رەت ITF Juniors جارىسىنىڭ جەڭىمپازى اتاندى.
تەننيسشى قازاقستاندى ەشقاشان ۇمىتقان ەمەس. ويتكەنى، ونىڭ الماتىدا تۋىستارى كوپ. ول ارقاشان قازاقستان ازاماتى اتانىپ، تاريحي وتانىنىڭ نامىسىن قورعاۋدى ارمانداپ كەلدى، — دەلىنگەن رىباكينانىڭ راكەتكاسى ارناسىندا.
جيەنباەۆا گەرمانيا جاسوسپىرىمدەر قۇراماسىنىڭ ساپىندا بيللي دجين كينگ كۋبوگىنىڭ شيرەك فينالىنا شىققان.
