Sonıa Jıenbaeva Qazaqstan azamattyǵyn aldy

Germanııanyń burynǵy tennısshisi Sonıa Jıenbaeva Qazaqstan azamattaǵyn aldy degen derek shyqty. Bul týraly Telegram-daǵy Rybakınanyń raketkasy arnasy habarlady.

Sonıa Jıenbaevanyń jasy 17-de. Ol 2006 jyly 2 shildede Almaty qalasynda týǵan.

Onyń anasy – qazaq, ákesi – nemis ultynan. Bala kezinde Sonıa Jıenbaeva otbasymen Germanııaǵa kóshken.

2022 jyly ol jasóspirimder arasynda álemdik reıtıngide úzdik 30 tennısshiniń qataryna kirdi.  Alty ret ITF Juniors jarysynyń jeńimpazy atandy.

Tennısshi Qazaqstandy eshqashan umytqan emes. О́ıtkeni, onyń Almatyda týystary kóp. Ol árqashan Qazaqstan azamaty atanyp, tarıhı Otanynyń namysyn qorǵaýdy armandap keldi, — delingen Rybakınanyń raketkasy arnasynda.

Jıenbaeva Germanııa jasóspirimder quramasynyń sapynda Bıllı Djın Kıng kýbogynyń shırek fınalyna shyqqan.