كانۆوندو وليمپياداسىنا قاتىساتىن قازاقستان سپورتشىلارى انىقتالدى

19 قاڭتار مەن 1 اقپان ارالىعىندا وڭتۇستىك كورەيانىڭ كانۆوندو پروۆينتسياسىنداعى كاننىن قالاسىندا IV قىسقى جاستار وليمپياداسى بولادى. وندا 1 900-عا جۋىق اتلەت سپورتتىڭ 7 تۇرىنەن 15 باعدارلامادا كۇش سىناسادى دەپ جوسپارلانعان.

بۇگىن كەشەندى جارىستا ەل نامىسىن قورعايتىن ۇلتتىق قۇرامانىڭ سپورتشىلارى انىقتالدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسى.

بۇل جارىسقا قازاقستان 10 باعدارلامادا 42 سپورتشىنى اپارادى. ال دەلەگاتسيا ساپىندا رەسمي وكىلدەر، جاتتىقتىرۋشىلار، دارىگەرلەر مەن باق وكىلدەرىن قوسقاندا 80-نەن استام ادام بار.

سپورتشىلار ءتىزىمى مىناداي:

بياتلون:

الەما قاراباەۆا

يلياس حاسەنوۆ

ەۆەلينا مەزەنتسەۆا

انتون رەدكين

ماريا ۆوروبەۆا

كيريلل زوتوۆ

تاۋ شاڭعى سپورتى:

روستيسلاۆ حوحلوۆ

الەكساندرا سكوروحودوۆا

كيورلينگ:

مەرەي تاستەمىر

يبراگيم تاستەمىر

كونكيمەن جۇگىرۋ سپورتى:

رۋسلان ءجانادىلوۆ

ميحايل ماتريۋحين

الينا شۋمەكوۆا

كريستينا شۋمەكوۆا

شاڭعى جارىستارى:

بەرىك بورانباەۆ

اۋباكىر توتانوۆ

ميلانا مامەدوۆا

ۆيولەتتا ميتروپولسكايا

شاڭعىمەن تۇعىردان سەكىرۋ:

يليا ميزەرنىح

يليا شيلنيكوۆ

سوفيا شيشكينا

الەنا سۆيريدەنكو

فريستايل-موگۋل:

يۋليا فەكليستوۆا

دەنيس راسترۋبا

شورت-ترەك:

مەيىرجان تولەگەن

ەراسىل شىڭعىسحان

اناستاسيا استراحانتسەۆا

پولينا ومەلچۋك

شايبالى حوككەي 3ح3:

تەمىرلان ايبول ۇلى

بەكسۇلتان ماقىش

ارسەني كۋچكوۆسكي

ءادىلحان ساتتار

نيكيتا كۋلاكوۆ

ماتۆەي رەشەتكو

راسۋل تۇرسىنوۆ

ارمان تولەن

جاحانگەر تىلەۋحان

تاير بيگارينوۆ

ەگور كراۆچەنكو

ءانۋار احمەتجانوۆ

رومان ميچۋروۆ

شاڭعى قوسسايىسى:

ارمان قۋانىش

قازاقستان العاش 2012 جىلى اۋستريانىڭ ينسبرۋك قالاسىندا وتكەن ويىنداردان باستاپ جارىستان سىرت قالعان ەمەس. ەڭ جاقسى ناتيجەسى دە سول جەردە تىركەلگەن. ۇلتتىق قۇراما 1 كۇمىس جانە 2 قولا جۇلدەگە يە بولىپ، جالپى ەسەپتە 23-ساتىدان كورىندى. گالينا ۆيشنەۆسكايا-شەپورەنكو سپرينتتە كۇمىس، سوسىن ءىز كەسۋدە قولا جۇلدە السا، سەرگەي مالىشەۆ كلاسسيكالىق جۇرىسپەن 10 شاقىرىم جارىستا قولا مەدال يەلەنگەن. ال 2016 جىلى قازاقستان سپورتشىلارى نورۆەگيانىڭ ليللەحاممەر قالاسىندا وتكەن جارىستا ەكى قولا مەدالمەن شەكتەلىپ، جالپىكوماندالىق ەسەپتە 26-ساتىعا جايعاستى.

بياتلونشى ارينا پانتوۆا سپرينتتە، ال ەليزابەت تۇرسىنباەۆا مانەرلەپ سىرعاناۋدا ۇزدىك ۇشتىكتەن كورىنگەن. سونداي-اق، ارالاس كوماندالىق جارىستا انۆار مۋحامادەەۆ كۇمىس (كونكيمەن جۇگىرۋ)، انيتا ناگاي قولا (شورت-ترەك) جۇلدە جەڭىپ العان. الايدا بۇل قوس مەدال جالپى ەسەپكە قوسىلمايدى.

اتاپ ايتار بولساق، انۆار حالىقارالىق وليمپيادا كوميتەتىنىڭ كومانداسى ساپىندا سپرينتتە ەليزا دال (نيدەرلاند)، كارولينا گاشەچكا (پولشا) جانە وستين كلەبامەن (اقش) بىرگە تۇعىر ساتىسىنا كوتەرىلگەن. ال انيتامەن ءبىر قاتاردا كارليس كرۋسبەرگس (لاتۆيا)، كاترين مانويلوۆا (بولگاريا) جانە كازۋكي يوشيناگامەن (جاپونيا) ويىنداردىڭ جۇلدەسىن يەلەنگەن. ودان كەيىن  2020 جىلى شۆەيتساريانىڭ لوزاننا قالاسىندا جالاۋى جەلبىرەگەن ءىىى ويىندارعا قازاقستان 26 اتلەت اپارعانىمەن، جۇلدەسىز قالدى.

ەندى ۇلتتىق قۇراماعا سپورتشىلارى قالاي ىرىكتەلەدى دەگەن ماسەلەگە كەلسەك، بىلتىر جىل بويى ەل ىشىندە كانۆوندو وليمپياداسىنا باراتىن سپورتشىلاردى ىرىكتەۋ جارىستارى بولدى. سونىڭ باستىسى IV قىسقى جاستار سپورت ويىندارى سانالادى. باس-اياعى ءۇش ايعا سوزىلعان سول سىندا 11 باعدارلامادا ۇزدىكتەر انىقتالعان (بياتلون، كيورلينگ، كونكيمەن جۇگىرۋ، شورت-ترەك، شاڭعى جارىستارى، مانەرلەپ سىرعاناۋ، فريستايل-موگۋل جانە فريستايل-اكروباتيكا، شايبالى حوككەي، شاڭعىمەن تۇعىردان سەكىرۋ).

كورەيا وليمپياداسىندا كىمنەن جۇلدە كۇتەمىز دەگەن سۇراققا جاۋاپ ىزدەسەك، بۇل جولى ۇلتتىق قۇراما ءتورت شورت-ترەك شەبەرىنەن ءۇمىت كۇتەدى. ءتورت جىل بۇرىن لوزانناعا سانجار جانىسوۆ پەن ماريا گوربۋنوۆا عانا بارعان. مەيىرجان تولەگەن، ەراسىل شىڭعىسحان، اناستاسيا استراحانتسەۆا مەن پولينا ومەلچۋك IV قىسقى جاستار سپورت ويىندارىنىڭ جەڭىمپازى مەن جۇلدەگەرى. الداعى وليمپيادا مەيىرجان تولەگەن مەن ەراسىل شىڭعىسحان ءۇشىن العاشقى حالىقارالىق كەشەندى جارىس ەمەس.  ولار بىلتىر اقپان ايىندا رەسەيدىڭ كەمەروۆو قالاسىندا بولعان «ازيا بالالارى» ءىى قىسقى ويىندارىندا جاسىنداي جارقىلداعان. مەيىرجان  سول كەزدە قازاق شورت-ترەكشىلەر اراسىنداعى جالعىز التىن جۇلدەنى جەڭىپ العان.

قازىر وليمپياداعا دايىندىق جوسپار بويىنشا بولىپ جاتىر. ماۋسىمنىڭ ورتاسى بولعاندىقتان بارلىق سپورتشى بابىندا. بىزدە ۇلدار مەن قىزدار بىردەي جارىسا الادى. ماقسات بىرەۋ عانا. بارىنشا جاقسى ناتيجە كورسەتۋگە تىرىسامىز. وسى جولى شورت-ترەكتەن جەكەلەي سىندا 1500 مەترگە جارىس قوسىلدى. بۇل ءبىز ءۇشىن تاعى ءبىر جاقسى جاڭالىق. مۇنىڭ الدىندا تەك 500-1000 مەترگە جۇلدە ساراپقا سالىنعان، — دەدى شورت-ترەكتەن قازاقستان جاستار قۇراماسىنىڭ اعا جاتتىقتىرۋشىسى دانابەك حايروۆ.

سونىمەن قاتار كونكيمەن جۇگىرۋدەن باق سىنايتىن سپورتشىلار ءوز جاس ساناتىنداعى حالىقارالىق جارىستارعا بارىپ، تاجىريبە جيناپ ۇلگەردى. ماسەلەن، ميحايل ماتريۋحين بىلتىر رەسەيدە وتكەن «ازيا بالالارى» ءىى قىسقى ويىندارىندا كۇمىس جۇلدەنى يەلەنىپ، كەز كەلگەن جارىسقا دايىن ەكەنىن كورسەتتى.

سپورتتىڭ بۇل تۇرىنەن وڭتۇستىك كورەياعا باراتىن قىز-جىگىتتەردى بىلتىر جەلتوقساندا قازاقستان كۋبوگىندا ىرىكتەدىك. كەلە جاتقان ويىنداردا بارلىعىنىڭ جۇلدە الاتىن مۇمكىندىگى بىردەي. قازىر ءدوپ باسىپ ايتۋ قيىن. ءبىزدىڭ سپورتشىلار وسىعان دەيىن حالىقارالىق جارىستارعا قاتىسىپ كورگەن. رۋسلان ءجانادىلوۆ، ەگىز سپورتشىلار الينا شۋمەكوۆا مەن كريستينا شۋمەكوۆا بىرنەشە اي بۇرىن يتاليادا وتكەن جاستار اراسىنداعى الەم كۋبوگى كەزەڭدەرىندە جاقسى ناتيجە كورسەتتى. الينا مەن كريستينا جۇلدەلى ورىننان كورىندى. قازىر ءبارى استانا قالاسىندا ديرەكتسيا ۇيىمداستىرىپ جاتقان وقۋ-جاتتىعۋ جيىنىندا ءجۇر، — دەدى كونكيمەن جۇگىرۋدەن مەملەكەتتىك جاتتىقتىرۋشى كەنجەش سارسەكەنوۆا.

دەلەگاتسيا ساپىنداعى الەما قاراباەۆا، يليا ميزەرنىح، يليا شيلنيكوۆ مەن مەرەي تاستەمىر سىندى وزگە سپورتشىلار وسىعان دەيىن شەتەلدە بىرنەشە مارتە سىنعا ءتۇسىپ، باپكەرلەر نازارىنا ىلىككەن.

ۇيىمداستىۋشىلار ويىنداردى جانكۇيەرلەرگە بارىنشا قول جەتىمدى ەتۋ ءۇشىن كاننىندا وتەتىن سالتاناتتى اشىلۋ راسىمىنەن باسقا بارلىق جارىسقا بيلەتتى تەگىن ۇلەستىرىپ جاتىر. بيلەتتى برونداۋ ءۇشىن: tickets.gangwon2024.org.

وليمپيادانىڭ اشىلۋ سالتاناتى 19 قاڭتاردا Gangneung Oval مەن PyeongChang Dome ستاديوندارىندا بولادى.