Kanvondo Olımpıadasyna qatysatyn Qazaqstan sportshylary anyqtaldy

19 qańtar men 1 aqpan aralyǵynda Ońtústik Koreıanyń Kanvondo provınııasyndaǵy Kannyn qalasynda IV qysqy jastar Olımpıadasy bolady. Onda 1 900-ǵa jýyq atlet sporttyń 7 túrinen 15 baǵdarlamada kúsh synasady dep josparlanǵan.

Búgin keshendi jarysta el namysyn qorǵaıtyn ulttyq quramanyń sportshylary anyqtaldy, dep habarlady Týrızm jáne sport mınıstrligi Sportty damytý dırekııasy.

Bul jarysqa Qazaqstan 10 baǵdarlamada 42 sportshyny aparady. Al delegaııa sapynda resmı ókilder, jattyqtyrýshylar, dárigerler men BAQ ókilderin qosqanda 80-nen astam adam bar.

Sportshylar tizimi mynadaı:

Bıatlon:

Alema Qarabaeva

Ilıas Hasenov

Evelına Mezeneva

Anton Redkın

Marııa Vorobeva

Kırıll Zotov

Taý shańǵy sporty:

Rostıslav Hohlov

Aleksandra Skorohodova

Kıorlıng:

Mereı Tastemir

Ibragım Tastemir

Konkımen júgirý sporty:

Rýslan Janadilov

Mıhaıl Matrıýhın

Alına Shýmekova

Krıstına Shýmekova

Shańǵy jarystary:

Berik Boranbaev

Áýbákir Totanov

Mılana Mamedova

Vıoletta Mıtropolskaıa

Shańǵymen tuǵyrdan sekirý:

Ilıa Mızernyh

Ilıa Shılnıkov

Sofıa Shıshkına

Alena Svırıdenko

Frıstaıl-mogýl:

Iýlııa Feklıstova

Denıs Rastrýba

Short-trek:

Meıirjan Tólegen

Erasyl Shyńǵyshan

Anastasııa Astrahaneva

Polına Omelchýk

Shaıbaly hokkeı 3h3:

Temirlan Aıboluly

Beksultan Maqysh

Arsenıı Kýchkovskıı

Ádilhan Sattar

Nıkıta Kýlakov

Matveı Reshetko

Rasýl Tursynov

Arman Tólen

Jahanger Tileýhan

Taır Bıgarınov

Egor Kravchenko

Ánýar Ahmetjanov

Roman Mıchýrov

Shańǵy qossaıysy:

Arman Qýanysh

Qazaqstan alǵash 2012 jyly Aýstrııanyń Insbrýk qalasynda ótken oıyndardan bastap jarystan syrt qalǵan emes. Eń jaqsy nátıjesi de sol jerde tirkelgen. Ulttyq qurama 1 kúmis jáne 2 qola júldege ıe bolyp, jalpy esepte 23-satydan kórindi. Galına Vıshnevskaıa-Sheporenko sprıntte kúmis, sosyn iz kesýde qola júlde alsa, Sergeı Malyshev klassıkalyq júrispen 10 shaqyrym jarysta qola medal ıelengen. Al 2016 jyly Qazaqstan sportshylary Norvegııanyń Lıllehammer qalasynda ótken jarysta eki qola medalmen shektelip, jalpykomandalyq esepte 26-satyǵa jaıǵasty.

Bıatlonshy Arına Pantova sprıntte, al Elızabet Tursynbaeva mánerlep syrǵanaýda úzdik úshtikten kóringen. Sondaı-aq, aralas komandalyq jarysta Anvar Mýhamadeev kúmis (konkımen júgirý), Anıta Nagaı qola (short-trek) júlde jeńip alǵan. Alaıda bul qos medal jalpy esepke qosylmaıdy.

Atap aıtar bolsaq, Anvar Halyqaralyq Olımpıada komıtetiniń komandasy sapynda sprıntte Elıza Dal (Nıderland), Karolına Gashechka (Polsha) jáne Ostın Klebamen (AQSh) birge tuǵyr satysyna kóterilgen. Al Anıtamen bir qatarda Karlıs Krýsbergs (Latvııa), Katrın Manoılova (Bolgarııa) jáne Kazýkı Ioshınagamen (Japonııa) oıyndardyń júldesin ıelengen. Odan keıin  2020 jyly Shveıarııanyń Lozanna qalasynda jalaýy jelbiregen III Oıyndarǵa Qazaqstan 26 atlet aparǵanymen, júldesiz qaldy.

Endi ulttyq quramaǵa sportshylary qalaı irikteledi degen máselege kelsek, byltyr jyl boıy el ishinde Kanvondo Olımpıadasyna baratyn sportshylardy irikteý jarystary boldy. Sonyń bastysy IV qysqy jastar sport oıyndary sanalady. Bas-aıaǵy úsh aıǵa sozylǵan sol synda 11 baǵdarlamada úzdikter anyqtalǵan (bıatlon, kıorlıng, konkımen júgirý, short-trek, shańǵy jarystary, mánerlep syrǵanaý, frıstaıl-mogýl jáne frıstaıl-akrobatıka, shaıbaly hokkeı, shańǵymen tuǵyrdan sekirý).

Koreıa Olımpıadasynda kimnen júlde kútemiz degen suraqqa jaýap izdesek, bul joly ulttyq qurama tórt short-trek sheberinen úmit kútedi. Tórt jyl buryn Lozannaǵa Sanjar Janysov pen Marııa Gorbýnova ǵana barǵan. Meıirjan Tólegen, Erasyl Shyńǵyshan, Anastasııa Astrahaneva men Polına Omelchýk IV qysqy jastar sport oıyndarynyń jeńimpazy men júldegeri. Aldaǵy Olımpıada Meıirjan Tólegen men Erasyl Shyńǵyshan úshin alǵashqy halyqaralyq keshendi jarys emes.  Olar byltyr aqpan aıynda Reseıdiń Kemerovo qalasynda bolǵan «Azııa balalary» II qysqy oıyndarynda jasyndaı jarqyldaǵan. Meıirjan  sol kezde qazaq short-trekshiler arasyndaǵy jalǵyz altyn júldeni jeńip alǵan.

Qazir Olımpıadaǵa daıyndyq jospar boıynsha bolyp jatyr. Maýsymnyń ortasy bolǵandyqtan barlyq sportshy babynda. Bizde uldar men qyzdar birdeı jarysa alady. Maqsat bireý ǵana. Barynsha jaqsy nátıje kórsetýge tyrysamyz. Osy joly short-trekten jekeleı synda 1500 metrge jarys qosyldy. Bul biz úshin taǵy bir jaqsy jańalyq. Munyń aldynda tek 500-1000 metrge júlde sarapqa salynǵan, — dedi short-trekten Qazaqstan jastar quramasynyń aǵa jattyqtyrýshysy Danabek Haırov.

Sonymen qatar konkımen júgirýden baq synaıtyn sportshylar óz jas sanatyndaǵy halyqaralyq jarystarǵa baryp, tájirıbe jınap úlgerdi. Máselen, Mıhaıl Matrıýhın byltyr Reseıde ótken «Azııa balalary» II qysqy oıyndarynda kúmis júldeni ıelenip, kez kelgen jarysqa daıyn ekenin kórsetti.

Sporttyń bul túrinen Ońtústik Koreıaǵa baratyn qyz-jigitterdi byltyr jeltoqsanda Qazaqstan kýbogynda iriktedik. Kele jatqan oıyndarda barlyǵynyń júlde alatyn múmkindigi birdeı. Qazir dóp basyp aıtý qıyn. Bizdiń sportshylar osyǵan deıin halyqaralyq jarystarǵa qatysyp kórgen. Rýslan Janadilov, egiz sportshylar Alına Shýmekova men Krıstına Shýmekova birneshe aı buryn Italııada ótken jastar arasyndaǵy Álem kýbogy kezeńderinde jaqsy nátıje kórsetti. Alına men Krıstına júldeli orynnan kórindi. Qazir bári Astana qalasynda Dırekııa uıymdastyryp jatqan oqý-jattyǵý jıynynda júr, — dedi konkımen júgirýden memlekettik jattyqtyrýshy Kenjesh Sársekenova.

Delegaııa sapyndaǵy Alema Qarabaeva, Ilıa Mızernyh, Ilıa Shılnıkov men Mereı Tastemir syndy ózge sportshylar osyǵan deıin shetelde birneshe márte synǵa túsip, bapkerler nazaryna ilikken.

Uıymdastyýshylar oıyndardy jankúıerlerge barynsha qol jetimdi etý úshin Kannynda ótetin saltanatty ashylý rásiminen basqa barlyq jarysqa bıletti tegin úlestirip jatyr. Bıletti brondaý úshin: tickets.gangwon2024.org.

Olımpıadanyń ashylý saltanaty 19 qańtarda Gangneung Oval men PyeongChang Dome stadıondarynda bolady.