Elimizge Reseı men Qytaıdan keletin týrıster kóbeıdi

Ulttyq statıstıka bıýrosynyń habarlaýynsha, ótken jyldyń qańtar men qyrkúıek aılary aralyǵynda elimizge 834,9 myń sheteldik týrıst saıahattaǵan. Bul – 2022 jylǵy kórsetkishke qaraǵanda 225 myń adamǵa kóp. Iaǵnı, ósim 2022 jyldyń sáıkes kezeńimen salystyrǵanda 37%-ǵa artqan. 2022 jyly elimizge 609,8 myń sheteldik kelgen.

Statıstıkaǵa qaraǵanda, elimizge saıahattaıtyn sheteldik týrıster jyl sanap artyp keledi. Máselen, Qazaqstanǵa jaqyn kórshilerimizden bólek, muhıttyń arǵy betindegi memleketterdiń de saıahtashylary kóptep kele bastady.

Jyl saıyn sheteldik týrısterdiń Qazaqstanǵa degen qyzyǵýshylyǵy arta bastaǵanyn baıqap otyrmyz. Máselen, 2022 jyly elimizge 900 myńnan asa sheteldik saıahatshy, al ótken jyldyń 9 aıynda 800 myńnan asa sheteldik qonaq kelgen. Bıyl bul kórsetkish budan da kóbeıe túsedi degen senimdemiz. О́ıtkeni, elimizde sheteldikterdi tańqaldyratyn, sulýlyǵymen ózine tartatyn, kórse kóz toıatyn kórikti jerler, tabıǵat syı etip bergen sulý mekender az emes. Sonymen qatar mınıstrlik baıtaq jerimizge tabany tıgen árbir saıahatshyǵa umytylmas áser qaldyrý úshin jumys istep jatyr, — dedi týrızm jáne sport mınıstriniń orynbasary Erjan Erkinbaev.

Onyń aıtýynsha, 2023 jyldyń alǵashqy 9 aıynda Reseı Federaııasynan eń kóp týrıst kelgen. Byltyrǵy qańtar men qyrkúıek aralyǵynda Qazaqstanǵa 356 850 myń reseılik saıahattaǵan. Ekinshi orynda Qytaı týrısteri tur. Shyǵystaǵy kórshimizden elimizge 75 131 adam kelip ketken. Al úshinshi satyǵa Túrkııa týrısteri turaqtady. Anadoly elinen 41 134 týrıst kelgen. Sondaı-aq, úzdik bestiktiń qatarynda Úndistan (34 757) jáne AQSh (28 160) saıahatshylary bar.