Qazaqstan sportshylary Olımpıadaǵa attandy (VIDEO)

Astanada IV qysqy jasóspirimder Olımpıadasyna sportshylardy saltanatty túrde shyǵaryp salý rásimi ótti. Tórt jyldyqtyń basty jarysy 19 qańtar men 1 aqpan aralyǵynda Ońtústik Koreıanyń Kanvon provınııasynyń Kannyn qalasynda bolady, dep habarlady Týrızm jáne sport mınıstrligi.

Saltanatty is-sharaǵa týrızm jáne sport mınıstri Ermek Marjyqpaev, Ulttyq Olımpıada komıtetiniń ókilderi, sport ardagerleri, federaııa basshylary men memlekettik jattyqtyrýshylar qatysty.

Is-sharada jasóspirimder Olımpıadasynyń ashylý rásiminde tý ustaıtyn sportshylarǵa Qazaqstan Respýblıkasynyń Týy saltanatty túrde tapsyryldy. IV qysqy Olımpıadanyń ashylý saltanatynda elimizdiń baıraǵyn short-trekten el chempıony, sport sheberine úmitker Erasyl Shyńǵyshan men konkımen júgirý sportynan sport sheberi, sondaı-aq el birinshiliginiń jeńimpazy Krıstına Shýmekova alyp shyǵady. О́z kezeginde Erasyl Shyńǵyshan tý ustaýshy retinde kópshiliktiń aldyna shyǵyp, saltanatty túrde ant berdi.

Jasóspirimder Olımpıadasynda Qazaqstan quramasy sporttyń bes túrinen baq synap, 55 medal jıyntyǵyn sarapqa salady. Qysqy Oıyndarda el namysyn 42 sportshy bıatlon, kerlıng, konkımen júgirý, short-trek, shańǵy jarysy, tramplınnen sekirý, taý shańǵysy, shańǵy qossaıysy, frıstaıl mogýl jáne shaıbaly hokkeı sport túrlerinen qorǵaıdy.

Saltanatty jıynda Ermek Marjyqpaev sóz sóılep, sportshylarǵa sáttilik tiledi.

Qazaqstan sportshylary táýelsizdik jyldarynda barlyq jasóspirimder Olımpıadasynda 29 medal jeńip aldy. Onyń beseýi qysqy Oıyndarǵa tıesili. Elimizde qysqy sport túrlerinde jeńispen órilgen jaqsy dástúr bar. Búginde tek elimizge ǵana emes, búkil álemge tanymal dańqty sportshylarymyz halyqaralyq qysqy jarystarda óner kórsetip, únemi júldegerler qatarynan kórinip júrdi. Olardyń qatarynda shańǵyshy Vladımır Smırnov, konkımen júgirýshi Lıýdmıla Prokasheva, bıatlonshy Elena Hrýstaleva, mánerlep syrǵanaýshylar Denıs Ten men Elızaveta Tursynbaeva bar. Sizder bul Oıyndarǵa qatysa otyryp, zor tájirıbe jınaısyzdar. Osy qundy tájirıbe bolashaqta paıdaly bolatyny sózsiz. О́ıtkeni, sizder Qazaqstan ulttyq quramasynyń rezervi sanalasyzdar. Búgin biz dástúrli shyǵaryp salý rásimine qatysyp otyrmyz. Sizderge aldaǵy jarysta tek sáttilik tileımin! Osyǵan deıin jıǵan bar sheberlikterińizdi, qabiletterińizdi pash etip, jaqsy nátıje kórsetýlerińizge jáne jeke rekordtaryńyzdy jańartýǵa tilektespin! Biz sizderge jankúıer bolyp, jeńis tuǵyrynan kórinýlerińizge shyn nıetpen tileýles bolamyz, — dedi mınıstr.

Jarystyń ashylý saltanaty 19 qańtarda Kannyn qalasyndaǵy Gangneuung Oval sport kesheninde ótedi. Bul nysanda konkımen júgirý sportynan jarystar uıymdastyrylady. Al Olımpıadanyń jabylý saltanaty 1 aqpanda Kannyndaǵy Gangneung Olympic Park sport kesheninde ótedi dep josparlanǵan.

Kanvon-2024 Oıyndaryna 14 pen 17 jas aralyǵyndaǵy álemniń 70 elinen 1800 sportshy qatysady. Munda sporttyń 7 túriniń 15 baǵdarlamasy boıynsha 81 medal jıyntyǵy sarapqa salynady.