وسكەمەندە بەلگىلى سپورتشىنى اتىپ كەتتى (ۆيدەو)

وسكەمەندە بەلگىلى جەكپە-جەك شەبەرى ەلەر يۋنۋسمەتوۆتى كوشەدە كوز جۇمدى.

«كريمينالنىي كازاحستان» تەلەگرام ارناسىنىڭ اقپاراتىنا قاراعاندا، ەلەر يۋنۋسمەتوۆتى ءۇيىنىڭ جانىندا ايەلىنەن قىزعانعان ەر ادام تاپانشامەن اتىپ كەتكەن. سپورتشى سول جەردە كوز جۇمعان.

ەلەر يۋنۋسمەتوۆ كيكبوكسينگ، سامبو، بوكس، قويان-قولتىق جەكپە-جەك، تاي بوكسىنان وتكەن اۋدان، وبلىس، رەسپۋبليكالىق جانە حالىقارالىق جارىستاردىڭ جەڭىمپازى بولعان.

13 قاڭتاردا كۇندىز وسكەمەن قالاسىندا قازاقستان كوشەسىندە ورنالاسقان №98/2 ءۇيدىڭ جانىندا 33 جاستاعى يۋنۋسمەتوۆ ە.ي-ءدىڭ دەنەسى تابىلدى. يەگى مەن موينىنان العان وق جاراقاتىنان قايتىس بولدى.

قىلمىستى جاسادى دەگەن كۇدىكپەن 26 جاستاعى ا.ك. تيۋەباەۆ ۇستالدى. الدىن الا بولجام بويىنشا ەر ادام 23 جاستاعى كەلىنشەگىن يۋنۋسمەتوۆتەن قىزعانعاندىقتان قىلمىسقا بارعان.

وقيعا بويىنشا بويىنشا كىسى ءولتىرۋ (قر قك 99) بابىمەن سوتقا دەيىنگى تەرگەۋ باستالدى. وقيعانىڭ بارلىق ءمان-جايى انىقتالىپ جاتىر، — دەلىنگەن پوليتسيا حابارلاماسىندا.

قر قپك-ءنىڭ 201-بابىنا سايكەس وزگە اقپارات جاريا ەتۋگە جاتپايتىنى ايتىلدى.