Рамазан Оразов «Ақтөбе» футбол клубының ойыншысы атанды

Футболдан Қазақстан ұлттық құрама командасының жарытлай қорғаушысы Рамазан Оразов «Ақтөбе» клубымен келісімшарт жасасты.

Бұған дейін 25 жастағы ойыншы осыған дейін Словенияның «Копер» клубында ойнады. Оның алдында Қостанайдың «Тобыл», Алматының «Қайрат», Павлодардың «Ақсу» мен Латвияның «Даугавпилс» пен Ресейдің «Чайка» командаларында өнер көрсетті.

Рамазан Оразов 2021-2022 жылдары бір жарым маусым «Ақтөбенің» намысын да қорғады. Ол соңғы ойнаған клубында «Копердің» сапында алаңға 12 рет шығып, 1 гол салды. Оның командаға қосылуын облыс әкімі Асхат Шахаровтың өзі қалаған көрінеді.

Жақында ол «Ақтөбенің» Түркиядағы оқу-жаттығу жиынына қосылды.

Қазақстан ұлттық құрамасының тағы бір ойыншысы Ислам Чесноков «Тобылда» қалатын болды. Ол да команданың Түркиядағы оқу-жаттығу жиынына қосылыпты. Осыған дейін футболшыға Еуропаның бірнеше клубы мен «Астананың» қызығушылық танытып отырғаны хабарланған еді.

 Дастан КЕНЖАЛИН,

АСТАНА