رامازان ورازوۆ «اقتوبە» فۋتبول كلۋبىنىڭ ويىنشىسى اتاندى

فۋتبولدان قازاقستان ۇلتتىق قۇراما كومانداسىنىڭ جارىتلاي قورعاۋشىسى رامازان ورازوۆ «اقتوبە» كلۋبىمەن كەلىسىمشارت جاساستى.

بۇعان دەيىن 25 جاستاعى ويىنشى وسىعان دەيىن سلوۆەنيانىڭ «كوپەر» كلۋبىندا وينادى. ونىڭ الدىندا قوستانايدىڭ «توبىل»، الماتىنىڭ «قايرات»، پاۆلوداردىڭ «اقسۋ» مەن لاتۆيانىڭ «داۋگاۆپيلس» پەن رەسەيدىڭ «چايكا» كوماندالارىندا ونەر كورسەتتى.

رامازان ورازوۆ 2021-2022 جىلدارى ءبىر جارىم ماۋسىم «اقتوبەنىڭ» نامىسىن دا قورعادى. ول سوڭعى ويناعان كلۋبىندا «كوپەردىڭ» ساپىندا الاڭعا 12 رەت شىعىپ، 1 گول سالدى. ونىڭ كومانداعا قوسىلۋىن وبلىس اكىمى اسحات شاحاروۆتىڭ ءوزى قالاعان كورىنەدى.

جاقىندا ول «اقتوبەنىڭ» تۇركياداعى وقۋ-جاتتىعۋ جيىنىنا قوسىلدى.

قازاقستان ۇلتتىق قۇراماسىنىڭ تاعى ءبىر ويىنشىسى يسلام چەسنوكوۆ «توبىلدا» قالاتىن بولدى. ول دا كوماندانىڭ تۇركياداعى وقۋ-جاتتىعۋ جيىنىنا قوسىلىپتى. وسىعان دەيىن فۋتبولشىعا ەۋروپانىڭ بىرنەشە كلۋبى مەن «استانانىڭ» قىزىعۋشىلىق تانىتىپ وتىرعانى حابارلانعان ەدى.

 داستان كەنجالين،

استانا