Ramazan Orazov «Aqtóbe» fýtbol klýbynyń oıynshysy atandy

Fýtboldan Qazaqstan ulttyq qurama komandasynyń jarytlaı qorǵaýshysy Ramazan Orazov «Aqtóbe» klýbymen kelisimshart jasasty.

Buǵan deıin 25 jastaǵy oıynshy osyǵan deıin Slovenııanyń «Koper» klýbynda oınady. Onyń aldynda Qostanaıdyń «Tobyl», Almatynyń «Qaırat», Pavlodardyń «Aqsý» men Latvııanyń «Daýgavpıls» pen Reseıdiń «Chaıka» komandalarynda óner kórsetti.

Ramazan Orazov 2021-2022 jyldary bir jarym maýsym «Aqtóbeniń» namysyn da qorǵady. Ol sońǵy oınaǵan klýbynda «Koperdiń» sapynda alańǵa 12 ret shyǵyp, 1 gol saldy. Onyń komandaǵa qosylýyn oblys ákimi Ashat Shaharovtyń ózi qalaǵan kórinedi.

Jaqynda ol «Aqtóbeniń» Túrkııadaǵy oqý-jattyǵý jıynyna qosyldy.

Qazaqstan ulttyq quramasynyń taǵy bir oıynshysy Islam Chesnokov «Tobylda» qalatyn boldy. Ol da komandanyń Túrkııadaǵy oqý-jattyǵý jıynyna qosylypty. Osyǵan deıin fýtbolshyǵa Eýropanyń birneshe klýby men «Astananyń» qyzyǵýshylyq tanytyp otyrǵany habarlanǵan edi.

 Dastan KENJALIN,

ASTANA