SportPress.kz قازاقستان سپورت جاڭالىقتارى
تايلاندتىڭ كانچانابۋري وڭىرىندە ماۋنتينبايكتان Thailand Cup ءتۋرنيرى اياقتالدى.
تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ حابارلاۋىنشا، تۋرنيرگە قازاقستان ۇلتتىق قۇراماسىنىڭ سپورتشىلارى دا قاتىسىپ، ءبىر قولا مەدال جەڭىپ الدى.
ايەلدەر اراسىندا الينا ساركۋلوۆا مارەگە ءۇشىنشى بولىپ كەلىپ، قولا جۇلدەگەر اتاندى. تاعى ءبىر قازاقستاندىق سپورتشى تاتيانا گەنەوەۆا فينيشكە التىنشى بولىپ جەتتى.
ەرلەر اراسىندا ەگور كاراسەۆ 18-ورىندى يەلەندى. ودان باسقا
23 جاسقا تولماعان ۆەلوسپورتشىلاردىڭ جارىسىندا التىنبەك احانوۆ 8-ورىنعا، الەكسەي فەفەلوۆ 9-ورىنعا يە بولدى.
ايەلدەر اراسىندا الينا سپيرينا مارەگە ءتورتىنشى بولىپ جەتتى.
بيىل ەكى كۇنگە سوزىلعان حالىقارالىق تۋرنيردە 7 مەملەكەتتەن سپورتشىلار سىنعا ءتۇستى. بىلتىر تايلاندتىڭ پحيچيت وڭىرىندە وتكەن كۋبوكقا ۇلتتىق قۇراما سپورتشىلارى قاتىسپادى.
