«پاحتاكور» فۋتبول كلۋبى جەكەمەنشىككە ساتىلادى

وزبەكستان رەسپۋبليكاسى مەملەكەتتىك اكتيۆتەردى باسقارۋ اگەنتتىگى تاشكەنتتىڭ «پاحتاكور» فۋتبول كلۋبى جاۋاپكەرشىلىگى شەكتەۋلى سەرىكتەستىگىنىڭ 100 پايىز مەملەكەتتىك ۇلەسىن ساتىلىمعا شىعاردى، دەپ حابارلادى uza.uz.

كلۋبتى ساتىپ الاتىن ادامنان نەمەسە كاسىپكەرلىك سۋبەكتتەن فۋتبول كلۋبىنىڭ قىزمەتىن قولداۋ، دامىتۋ، كوماندانى حالىقارالىق دەڭگەيگە شىعارۋ، فۋتبول كلۋبىنىڭ بالانسىنداعى بارلىق سپورتتىق قۇرىلىستاردى، ونىڭ ىشىندە فۋتبول الاڭىن تەك سپورتتىق ءىس-شارالار ماقساتىندا پايدالانۋ تالاپ ەتىلەدى.

سونىمەن بىرگە مەملەكەت كلۋبتا ساتىپ الۋشىدان «پاحتاكور» فۋتبول كلۋبى اكادەمياسىنىڭ قىزمەتىن قولداۋ جانە دامىتۋدى تالاپ ەتەتىنىن حابارلادى.

«پاحتاكور» فۋتبول كلۋبى — وزبەكستاندا 1956 جىلدان بەرى كاسىپقوي فۋتبول كلۋبى.

كوماندا كسرو كەزىندە وداقتىڭ چەمپيوناتتا التىنشى ورىن العان. بۇل — كلۋبتىڭ كەڭەس وداعى كەزىندەگى ۇزدىك ناتيجەسى. 1992 جىلدان بەرى «پاحتاكور» وزبەكستاننىڭ 15 دۇركىن چەمپيونى اتانعان. التى رەت ۆيتسە-چەمپيون بولعان. ەكى رەت ەل چەمپيوناتىنىڭ قولا جۇلدەسىن يەلەنگەن. وزبەكستان كۋبوگىنىڭ 13 دۇركىن يەگەرى. ءۇش رەت كۋبوك جولىنداعى جارىستىڭ فينالىنا شىققان. 2021 جىلى وزبەكستاننىڭ سۋپەركۋبوگىنىڭ يەگەرى اتانعان. ال ازيا فۋتبول كونفەدەراتسياسىنىڭ چەمپيوندار ليگاسىندا ەكى رەت، 2002-2023 جىلعى ماۋسىمدا جانە 2024 جىلى جارتىلاي فينالعا دەيىن جەتكەن.