Qazaqstan sportshysy ústel tennısi týrnırinde top jardy

AQSh-tyń Korpýs Krıstıde qalasynda ústel tennısinen WTT Feeder Corpus Christi 2024 halyqaralyq týrnıri aıaqtaldy. Osy jarysqa qatysqan Qazaqstan quramasynyń sportshysy Kırıll Gerasımenko jeńimpaz atandy.

Týrnırde Kırıll Gerasımenko Kaı Chjandy (AQSh) 3:1, Sıanzın Chjandy (AQSh) 3:0, Harmıt Desaıdy (Úndistan) 3:1, Shteffen Mengeldi (Germanııa) 3:1, Joao Monteırdy (Portýgalııa) 3:2 jeńdi.

Kırıll Gerasımenkonyń aıtýynsha, týrnırde ol myqty qarsylastarmen oınaǵan. Degenmen jarysqa bárinen buryn erte kelip, jaqsy daıyndalǵannyń arqasynda ol bárin ońaı jeńgen. Jospar oryndaldy. Jeńimpaz atandym. Endi WTT Champions týrnırine qatysyp, reıtıngtik upaı jınaımyz, — dedi tennısshi.

Sportshy jaqyn arada Ońtústik Koreıada bolatyn komandalyq álem chempıonatyna daıyndyqty bastaıdy. Odan keıin Parıj Olımpıadasyna barady.

Dastan KENJALIN,

ASTANA