ساۋديالىق كلۋبتار تاعى تانىمال فۋتبولشىلاردى ساتىپ الۋدى جوسپارلاپ وتىر

ساۋد ارابياسىنىڭ كاسىپقوي فۋتبول ليگاسى جازعى ترانسفەر كەزىندە ەكى ميلليارد فۋنت جۇمساۋعا دايىندالىپ جاتىر.

امەريكالىق جۋرناليست بەن دجەيكوبستىڭ ايتۋىنشا، ساۋد ارابياسىنىڭ كاسىپقوي فۋتبول كلۋبتارى جازعى ترانسفەر كەزىندە الەمگە ايگىلى فۋتبولشىلاردى ساتىپ الۋدى كوزدەپ وتىر.

«ءال-ناسر» مەن «ءال-ءحيلال» «مانچەستەر سيتي» كلۋبىنىڭ ويىنشىسى كەۆين دە بريۋينەگە قىزىعۋشىلىق تانىتىپ جاتقان سياقتى. ال «ءال-يتتيحاد» «ليۆەرپۋل» كومانداسىنىڭ شابۋىلشىسى موحاممەد سالاحتى ءوز قاتارىنان كورگىسى كەلەدى ەكەن.

سونىمەن بىرگە ستيۆەن دجەرراردتىڭ «ءال-يتتيفاق» كومانداسى «ليۆەرپۋل» كلۋبىنان تياگو الكانتارانى ساتىپ الۋدى جوسپارلاپ وتىر. «ءال-حيلال» مەن «ءال-احلي» سون حيون مين مەن ۆيكتور وسيمحەندى دە ساتىپ العىسى كەلەتىن كورىنەدى.

داستان كەنجالين،

استانا