Olımpıada chempıony Serik Sápıev Qaraǵandydaǵy kolonııaǵa bardy

Bokstan Olımpıada chempıony Serik Sápıev Qaraǵandy kolonııasyna baryp, sottalǵandarmen kezdesti.

Polisia.kz-tiń habaralýynsha, ataqty sportshy IIM QAJK «№ 29 mekeme» RMM-de  qatań rejımde jazasyn ótep jatqan sottalǵandarmen áńgimelesip, olardyń suraqtaryna jaýap berdi.  Odan keıin boksshy «Eńbek – Qaraǵandy» RMK ónerkásiptik aımaǵyna, tamaqtanatyn orynǵa jáne jataqhana jasaqtarynyń birinde bolyp, sottalǵandardyń turmys jaǵdaıymen tanysty.

Men mundaı shalǵaı jerge birinshi ret kelip turmyn. Búgingi jıynǵa bar nazaryn salyp, zeıin qoıǵan azamattarǵa alǵysymdy bildiremin, – dedi Serik Sápıev.

Sápıev óziniń balalyq shaǵy týraly, sportqa qalaı kelgenin, kimdi úlgi etkenin, stýdenttik shaqta qalaı oqyǵanyn, alǵashqy jeńisi týraly, altyn júldeni jeńip alǵan kezdegi  sezimi jaıly aıtyp berdi.

Sizder ómirde qate jasańyzdar da  elimizdiń tolyqqandy azamaty bolýǵa tıissizder. Bárin túzetip, qaıta bastaýǵa bolady. Adam óz kúshine ǵana senip, úlken jetistikke jete alady. Balalaryńyzǵa laıyqty áke bolyp, otbasynyń tiregi bola alasyzdar. Artqa qaramańyzdar, tek alǵa júrińizder. Jaqsylyqtan úmit úzbeńizder! Ár adamnyń bolashaǵy óz qolynda, – dedi Sápıev.

Kezdesýdiń sońynda oblystyq QAJD bastyǵynyń orynbasary Igor Benderskıı men mekeme bastyǵynyń mindetin atqarýshy Bekbolat Býrlınov Qazaqstanǵa eńbek sińirgen sport sheberine jazasyn ótep jatqan azamattarǵa bólgen ýaqyty úshin alǵysyn aıtty.

Odan keıin sottalǵan azamattardyń biri Serik Sápıevtiń sýretin salyp, syıǵa tartty.

Dastan KENJALIN,

ASTANA