قازاقستاندىق ءۇش كاسىپكەر حالىقارالىق Aurora Tech Award 2024 بايقاۋىنىڭ شورت-ءليستىنe ەندى  

InDrive كومپانياسى قۇرعان Aurora Tech Award 2024 سىيلىعى بايقاۋدىڭ شورت-ءليستىن جاريالادى. وعان 20 ستارتاپتىڭ نەگىزىن قالاعان ايەلدەر كىردى. ونىڭ ۇشەۋى قازاقستاننىڭ وكىلدەرى. بايقاۋعا 102 ەلدەن بارلىعى 649 ءوتىنىم كەلىپ ءتۇستى.

شورت-ليستكە Your Accessible Guide-ءنىڭ نەگىزىن قالاعان نادەجدا انپيلوگوۆا، Porte Tech-ءدى قۇرعان ايدانا ايتۋاروۆا مەن Ozim پلاتفورماسىن جاساعان اسەم تاجيەۆا كىردى.

وتكەن جىلعى Aurora Tech سىيلىعىنىڭ جەڭىمپازدارى مەن الەمنىڭ ايگىلى سالالىق ساراپشىلارى بيىلعى جىلعى جەڭىمپازداردى تاڭدايدى. جەڭىمپازداردىڭ ەسىمدەرى 8-ناۋرىز حالىقارالىق ايەلدەر كۇنى بەلگىلى بولادى. ولار ءبىرىنشى، ەكىنشى جانە ءۇشىنشى ورىن ءۇشىن 30 000 اقش دوللارىن، 20 000 دوللار مەن 10 000 دوللار اقشالاي سىيلىق الادى. ءراسىمدى تاماشالاۋ ءۇشىن وسىندا تىركەلۋ كەرەك.

Your Accessible Guide – مۇمكىندىگى شەكتەۋلى جانە ەرەكشە قاجەتتىلىكتەرى بار ادامدار ءۇشىن قولجەتىمدى ءتۋريزمدى ىلگەرىلەتۋگە ارنالعان ينكليۋزيۆتى تسيفرلىق ونىمدەردىڭ ەكوجۇيەسى.

ءبىز جۇمىسىمىزدا، كارتاعا ەرەكشە قاجەتتىلىكتەرى بار تۋريستەرگە قولجەتىمدى باعىتتار مەن نۇكتەلەردى ءتۇسىرىپ، زەرتتەلمەگەن كونتينەنتتى تاۋىپ جاتقان سياقتىمىز. ال، تەڭدىك پەن ينكليۋزيا يدەيالارىن قولدايتىن مۇنداي جارىستار – جەلكەنىمىزگە سوققان جەل. ءبىز Aurora Tech Award سىيلىعىنىڭ شورت-ليستىنە ەنگەنىمىزگە وتە قۋانىشتىمىز جانە ماراپات ساراپشىلارى مەن تالىمگەرلەرىنىڭ كومەگىمەن جوبانى دامىتۋعا ماڭىزدى قادامدار جاساي الامىز دەپ ۇمىتتەنەمىز. بايقاۋ الاڭىنان ادامدار ءبىز تۋرالى نەعۇرلىم كوپ ەستىسە، سوعۇرلىم ولار تۋريزمدەگى ينكليۋزيا جانە قولجەتىمدىلىك تاقىرىبىمەن كوبىرەك تانىسىپ، ساياحاتتى بارلىعىنا قولجەتىمدى ەتە الادى، — دەدى جوبانىڭ نەگىزىن قالاۋشى نادەجدا انپيلوگوۆا.

Porte Tech – RFID كارتالارىن، اۆتوتۇراق پۋلتتەرىن، قاعاز رۇقساتتارىن جانە ماگنيتتەردى ءبىر قولدانباعا بىرىكتىرۋ ارقىلى شىعىندار مەن ۋاقىتتى ازايتۋعا كومەكتەسەتىن، ESG-گە باعدارلانعان، اۆتوماتتاندىرىلعان «ەسىك كىلتى» بار ۆەب-قوسىمشاسى.

شورت-ليستكە ەنگەنىمە تاڭ قالدىم. نەلىكتەن مەن ءوتىنىم بەرۋدى شەشتىم؟ ارينە، مەن جۇلدە العىم كەلەدى. بىراق، مەن ءوز بيزنەسىمىزدىڭ ءمانىن كورسەتكىم كەلدى. كوبىنەسە بايقاۋلارعا قاتىسقان كەزدە الەۋمەتتىك جوبا بولعاندىقتان ءبىز جۇلدەلى ورىنعا يە بولمايتىنبىز. بىراق، دۇرىس باعىتى مەن ماقساتى بار بيزنەستە كونكۋرسقا قاتىسۋ وتە ماڭىزدى دەپ ەسەپتەيمىن. Porte-دە ءبىز ادەتتەردى وزگەرتەمىز، پروتسەستەردى ءتيىمدى ەتىپ جاسايمىز جانە پلاستيكالىق كارتالار تۇرىندەگى قاجەتسىز شىعىنداردى الىپ تاستايمىز، — دەپ تۇسىندىرەدى جوبانىڭ نەگىزىن قالاۋشى ايدانا ايتۋاروۆا.

Ozim پلاتفورماسىنىڭ، ياعني ەرەكشە قاجەتتىلىكتەرىمەن بالالارى بار وتباسىلاردى زەرتتەۋ نەگىزىندە ءبىلىم بەرۋ جانە پسيحولوگيالىق رەسۋرستارمەن قامتاماسىز ەتۋگە باعىتتالعان الەۋمەتتىك جوبانىڭ نەگىزىن قالاۋشىسى اسەم تاجيەۆا بولسا، بۇگىنگى كۇنگە دەيىن Aurora Tech Award سىيلىعىنا قاتىسۋعا شەشىم قابىلداي الماعانىن، ول ۇلكەن حالىقارالىق بايقاۋ بولعاندىقتان، وعان قاتىسۋ قيىن بولادى دەپ ويلاعانىن ايتتى.

مەن ءوتىنىشىمدى 15 مينۋتتا تىركەگەنىمدە تاڭ قالدىم. ءبىزدىڭ شورت-ليستكە ەنگەنىمىزدى جانە فيناليستەر قانداي ارتىقشىلىقتارعا يە بولاتىنىن بىلگەندە، قاتتى قۋاندىم. ويتكەنى، ءدال قازىر بىزگە ينۆەستيتسيانى قارجىلاندىرۋ، بيزنەس-مودەلدەر جانە ماسشتابتاۋ سالاسىنداعى تالىمگەرلەر قاجەت. مەن بايقاۋدا جەڭىسكە جەتىپ، اقشالاي سىيلىق ۇتىپ الامىن دەپ ۇمىتتەنەمىن. ونى ەرەكشە قاجەتتىلىكتەرى بار بالالاردىڭ اتا-انالارىنا ارنالعان Ozim پلاتفورماسى ءموبيلدى قوسىمشاسىن ازىرلەۋگە جۇمسايمىن، — دەدى ول.

Aurora Tech Award سىيلىعىنىڭ اتقارۋشى ديرەكتورى ەكاتەرينا سميرنوۆانىڭ ايتۋىنشا، ءوز كومپانياسىنىڭ ۆەنچۋرلىق سەرىكتەستەرى قيىندىققا قاراماستان IT كوشباسشى ايەلدەردىڭ ارتىپ كەلە جاتقانىن كورسەتەتىن بارلىق وتىنىمدەردىڭ ارقايسىسىن مۇقيات باعالادى. بيىلعى ماراپاتتار وسى قۇرىلتايشىلاردىڭ جۇمىسىن ەرەكشە كوڭىل اۋدارىپ، سونىمەن قاتار جوبالاردىڭ ارتۇرلىلىگىن جانە جەرگىلىكتى ۇلگىلەردىڭ وزگەرىستەردى ىنتالاندىرۋداعى ماڭىزدى ءرولىن اتاپ وتەدى.

InDrive كومانداسى IT سالاسىنداعى گەندەرلىك تەڭدىكتى بارىنشا قولدايدى.

ءبىز ايەلدەردى ولاردىڭ جەتىستىكتەرىن مويىندايتىن ماراپاتتار ارقىلى تانىپ، قولدايتىنىمىزدى ماقتان تۇتىپ، ولاردىڭ ەلەۋلى ۇلەستەرىن بەلسەندى تۇردە ناسيحاتتايمىز، — دەپ اتاپ ءوتتى كومپانيادا.

قازىلار القاسىنا الەۋمەتتىك كاسىپكەر جانە Kashf قورىنىڭ باس ديرەكتورى ساداففە ابيد حانىم (پاكىستان)، Carsome (مالايزيا) پايدالانۋشى تاجىريبەسىنىڭ جەتەكشىسى لەونور كونو، Eventtus كومپانياسىنىڭ باس ديرەكتورى جانە وسى كومپانيانىڭ نەگىزىن قالاۋشىسى ماي مەدحات (مىسىر)، Mukuru Clean Stoves نەگىزىن قالاۋشى جانە باس ديرەكتورى شارلو ماگاي (كەنيا)، Monashees ديرەكتورى سالليەن المەيدا  مەن inDrive كومپانياسىنىڭ باس زاڭ كەڭەسشىسى تاتيانا تەرەنتەۆا مۇشە بولىپ وتىر.

2024 جىلعى سىيلىقتىڭ جەڭىمپازدارى 8 ناۋرىزدا auroratechaward.com  سايتىندا ونلاين راسىمدە جاريالانادى.

2024 Aurora Tech Award سىيلىعىنىڭ شورت-ليستىنە ۇمىتكەرلەر ءتىزىمى:

ايەلدەر اراسىندا سوزىلمالى اۋرۋلاردى ەرتە انىقتاۋ ءۇشىن جاساندى ينتەللەكتتىڭ وزىق ۇلگىلەرىن ازىرلەۋگە باعىتتالعان Huna ستارتاپىنىڭ باس ديرەكتورى برازيليالىق دانيەللا كاسترو پەن كولۋمبيالىق مارۆا حاگە كىردى.

ونىڭ Munily App ستارتاپى قاۋىپسىز جانە بايلانىسقان قاۋىمداستىقتار قۇرۋ ءۇشىن باعدارلامالىق قۇرالدى پايدالانادى.

ازياداعى قالالىق ءۇي جانۋارلارى يەلەرىنە ارنالعان ءۇي جانۋارلارىن كۇتۋ Fluv ماركەتپلەيسىنىڭ  باس ديرەكتورى جانە نەگىزىن قالاۋشىسى تايۆاندىق كەنديس چەن، ەكۆادورلىق دجوزەلين دەل روساريو  مۇشە بولدى. ونىڭ DREx ستارتاپى E.S.G. گرينۆوشينگ تاجىريبەلەرىن بولدىرمايتىن، باقىلاۋ جانە اشىقتىقتى جاقسارتاتىن، تۇراقتى قارجى الەۋەتىن اشاتىن پلاتفورما ازىرلەۋدە.

وتانداسىمىز نادەجدا انپيلوگوۆا مۇمكىندىگى شەكتەۋلى جانە ەرەكشە قاجەتتىلىكتەرى بار ادامدار ءۇشىن قولجەتىمدى ءتۋريزمدى دامىتۋعا ارنالعان ينكليۋزيۆتى تسيفرلىق ونىمدەردىڭ ەكوجۇيەسى – Your Accessible Guide باعدارلاماسىنىڭ نەگىزىن قالاۋشىسى.

تاعى ءبىر قازاقستاندىق ماريا دميتريەۆا  ەكولوگيالىق، الەۋمەتتىك، اسپەكتتەر مەن باسقارۋشىلىقتى (ESG) باعالاۋ مەن اقپاراتتى اشۋعا بيزنەسكە رەۆوليۋتسيالىق ىسكەرلىك كوزقاراستى ۇستاناتىن EcoDisclosure جەتەكشى كومپانياسىنىڭ باس ديرەكتورى جانە نەگىزىن قالاۋشىسى.

يسپانيالىق ساندرا مونتەس پەرەستىڭ  ScrapAd ستارتاپى  70 ەلدە قولجەتىمدى قايتا وڭدەۋگە بولاتىن تاۋارلاردى ساتىپ الۋعا جانە ساتۋعا ارنالعان پلاتفورما.

ارگەنتينالىق پاۋلا مونتيچەللي (Paula Monticelli) ءوزىنىڭ CryptoMate ستارتاپىمەن ول يننوۆاتسيالىق تسيفرلىق شەشىمدەردى جاساۋ ارقىلى web3-كە قولجەتىمدىلىكتى جاقسارتقىسى كەلەدى.

ءباا وكىلى ريم جوۋرداننىڭ Skatch ستارتاپى – كوك جانە سۇر جاعالى قىزمەتكەرلەرگە ارنالعان كاسىبي پلاتفورما. تاياۋ شىعىس پەن افريكا ايماعىنا نازار اۋدارا وتىرىپ، Skatch تەحنيكالىق ماماندارعا، كوك جاعالى قىزمەتكەرلەرگە، ساتۋ ماماندارىنا جانە ءبىلىمى تومەن باسقا ماماندارعا جاساندى ينتەللەكت، ويىن جانە قاۋىمداستىق قۇرۋ ارقىلى جۇمىس تاۋىپ، بىلىكتىلىكتى ارتتىرۋعا كومەكتەسۋدى ماقسات ەتەدى.

ايدانا ايتۋاروۆانىڭ  پىكىرىنشە، Porte Tech نەگىزىن قالاۋشى رەتىندە ول تۋعان قالاسىنىڭ تۇراقتى دامۋىنا ۇلەس قوسۋدا. ونىڭ كومپانياسىنىڭ ۆەب-قولدانباسى اۆتوماتتاندىرىلعان «ەسىك كىلتى» بار ESG باعدارلانعان ۆەب-باعدارلاماسى RFID كارتالارىن، اۆتوتۇراق پۋلتتەرىن، قاعاز رۇقساتتارىن جانە ماگنيتتەردى ءبىر قولدانباعا بىرىكتىرۋ ارقىلى شىعىندار مەن ۋاقىتتى ازايتۋعا كومەكتەسەدى.

Intrare نەگىزىن قالاۋشى جانە باس ديرەكتورى مەكسيكالىق حاننا تەپلەر  Intrare دەگەنىمىز قىزمەتكەرلەردى ىرىكتەۋ كەزىندە بىرجاقتىلىقتى جويۋ ءۇشىن ءوزىنىڭ جاساندى ينتەللەكتىن جاسايتىن الەۋمەتتىك تەحنولوگيا ەكەنىن ايتتى.

Intrare ميسسياسى — كەدەيلىك تسيكلىن بۇزۋ ءۇشىن ميلليونداعان بوسقىنداردى، مارگينالدانعان ايەلدەردى، LGBTIQ+ وكىلدەرىن جانە باسقا دا ءارتۇرلى تالانتتاردى لايىقتى جۇمىسپەن قامتاماسىز ەتۋ.

ادامدارعا سويلەۋ قابىلەتىن جاقسارتۋعا كومەكتەسەتىن Mila4AI قولدانباسىن جاساۋشىسى وزبەكستان ازاماتى فيرۋزا ەشونوۆانىڭ  ايتۋىنشا، قوسىمشا ەمدەلۋ كەزىندە تەراپەۆتتىڭ قاتىسۋىنسىز اۋىز موتوريكاسى مەن ارتيكۋلياتسيالىق جاتتىعۋلاردى تاعايىنداۋ ءۇشىن جاساندى ينتەللەكتتى پايدالانادى، بۇل لوگوپەدتەرگە قول جەتكىزە المايتىن ايماقتاردا تۇراتىنداردىڭ جاعدايىن جاقسارتۋعا مۇمكىندىك بەرەدى.

ال اسەم تاجيەۆانىڭ  ايۋتىنشا، ەرەكشە قاجەتتىلىكتەرىمەن بالالارى بار وتباسىلاردى زەرتتەۋگە نەگىزدەلگەن ءبىلىم بەرۋ جانە پسيحولوگيالىق رەسۋرستارمەن قامتاماسىز ەتۋگە باعىتتالعان الەۋمەتتىك جوباسى — Ozim پلاتفورماسىنىڭ نەگىزىن قالاۋشىسى.

كيپرلىك ايرا مونگۋش  Mathhub ستارتاپى قول جەتىمدى تەحنيكالىق ءبىلىم بەرۋ، وقىتۋدى كۇشەيتۋ جانە توپتىق تەوريانى ماشينالىق وقىتۋدى زەرتتەۋگە قولدانۋ ءۇشىن عالامدىق جوعارى اسەرلى deep tech جوبالاردى قۇرۋعا باعىتتالعانىن ايتتىن.

نيگەريالىق چينۆەندۋ نۆەكە Bridge Merchant Enterprises كومپانياسىنىڭ نەگىزىن قالاۋشى. ونىڭ ماقساتى – تەحنولوگيالار مەن ادامدارعا باعىتتالعان شەشىمدەر ارقىلى دۇنيە جۇزىندە اشتىق پەن كەدەيلىكتى جويۋ.

يندونەزيا تۇرعىنى الەنا ششاۆلەۆانىڭ سوزىنە قاراعاندا، ەمدەلۋشىنىڭ كومەك پەن قولداۋعا دەگەن قاجەتتىلىكتەرىن ونىڭ ورتاسىنداعى رەسۋرستارمەن سايكەس كەلتىرەتىن Effelp ستارتاپىنىڭ نەگىزىن قالايدى.

گونكونگتىڭ Neurum Health كومپانياسىنىڭ نەگىزىن قالاۋشىسى جانە باس ديرەكتورى مەگان لام ساناعا جانە سالاۋاتتى ومىرگە ماڭىزدى وزگەرىستەر ەنگىزۋگە اۋەس.

نيدەرلاند ازاماتى جاسمين كوك سەنىمدى جانە سۇيىسپەنشىلىككە تولى كۇتۋشىلەر مەن كومەكشىلەردىڭ Nina.care دەرەكتەر بازاسىنىڭ نەگىزىن قالاۋشىسى. ونىڭ وتە جىلدام قوسىمشاسى بارلىعىن قىسقا ۋاقىتتا رەتتەيدى.

بوتسۆانادان كەلگەن سارا مولەما Deaftronics (Pty) Ltd نەگىزىن قالاۋشى. ول ەستۋ قابىلەتى بۇزىلعان ادامدار ءوز قۇقىقتارىن شەكتەۋسىز پايدالانۋى كەرەك دەپ سانايدى. سوندىقتان ول دامۋشى ەلدەردەگى ەستۋ قابىلەتى ناشار ادامدار ءۇشىن كۇن ەنەرگياسىمەن جۇمىس ىستەيتىن ەستۋ اپپاراتىن جاساپ شىعاردى.

فولاكە ءوۆودۋننيدىڭ Emergency Response Africa ستارتاپى افريكادا دەنساۋلىق ساقتاۋدى قولجەتىمدى ەتۋدى ماقسات ەتەدى.

جوبا جايلى

Aurora Tech Award — الەمدىك كولىك جانە قالالىق قىزمەت كورسەتۋ پلاتفورماسى، InDrive كومپانياسىنىڭ كوممەرتسيالىق ەمەس باستاماسى. Aurora Tech Award سىيلىعى جوبالارى جاھاندىق دامۋعا تەرەڭ اسەر ەتكەن تەحنولوگيالىق ستارتاپتاردىڭ نەگىزىن قالاۋشى ايەلدەرگە بەرىلەدى. سىيلىقتىڭ ماقساتى – وزىق تەحنولوگيالار سالاسىنداعى ايەلدەرگە، اسىرەسە، كاسىپكەر ايەلدەرگە قولداۋ كورسەتۋ.

InDrive – كولىك پەن قالالىق قىزمەتتەرىنىڭ جاھاندىق پلاتفورماسى. InDrive قولدانباسى 200 ميلليوننان استام رەت جۇكتەلىپ، 2023 جىلى الەم بويىنشا ەكىنشى ەڭ تانىمال ءموبيلدى قوسىمشا بولدى.

قالالىق ساپارلارعا تاپسىرىستان باسقا، InDrive قالاارالىق ساپارلاردى، جۇك تاسىمالىن، شەبەردى شاقىرۋ جانە كۋرەرلىك جەتكىزۋدى قامتيتىن قالالىق قىزمەتتەردىڭ ءوسىپ كەلە جاتقان ءتىزىمىن ۇسىنادى.  2023 جىلى InDrive ۆەنچۋرلىق كاپيتالعا ينۆەستيتسيالار مەن قوسىلۋلار مەن ساتىپ الۋعا باعىتتالعان New Ventures، جاڭا بولىمشەسىن ىسكە قوستى.

InDrive 46 ەلدەگى 700-دەن استام قالادا جۇمىس ىستەيدى. الەۋمەتتىك ادىلەتسىزدىكپەن كۇرەسۋ ميسسياسىنا نەگىزدەلگەن كومپانيا 2030 جىلعا قاراي ءبىر ميلليارد ادامنىڭ ومىرىنە وڭ اسەر ەتۋدى ماقسات ەتەدى. كومپانيا بۇل ماقساتقا ءادىل باعا مودەلى ارقىلى جەرگىلىكتى قاۋىمداستىقتاردى قولدايتىن نەگىزگى قىزمەتى ارقىلى دا، ونىڭ InVision كوممەرتسيالىق ەمەس بولىمشەسى جۇمىسى ارقىلى دا كوزدەيدى. InVision قاۋىمداستىعىنىڭ مۇمكىندىكتەرىن كەڭەيتۋ باعدارلامالارى ءبىلىم، سپورت، ونەر جانە عىلىم، گەندەرلىك تەڭدىك جانە باسقا دا ماڭىزدى باستامالاردى ىلگەرىلەتۋگە كومەكتەسەدى.

قوسىمشا اقپارات www.inDrive.com سايتىندا.

 

InDrive كومپانياسى

ايدانا ايتۋاروۆا

اسەم تاجيەۆا

نادەجدا انپيلوگوۆا