Biz úshin úlken qýanysh ári jaýapkershilik — Danıal Ahmetov

Búgin Astanadaǵy Qazaqstan jeńil atletıka kesheninde World Athletics Indoor Tour Gold 2024 aıasynda Astana Indoor Meet for Amin Tuyakov Prizes halyqaralyq jeńil atletıka týrnıri qarsańyndaǵy baspasóz jıyny ótti, dep habarlady Jeńil atletıka federaııasy.

Jıynǵa Jeńil atletıka federaııasynyń prezıdenti Danıal Ahmetov, Dúnıejúzilik jeńil atletıka ókili Pırs Okallahan, 2020 jylǵy Olımpıada chempıony jáne álem rekordshysy Armand Dýplantıs, sondaı-aq jeńil atletıkadan Qazaqstan quramasynyń kóshbasshysy Nadejda Dýbovıkaıa qatysty.

Astanada Astana Indoor Meet for Amin Tuyakov Prizes ótkizip, Olımpıada chempıondaryn, álem rekordshylary men eń úzdik sportshylardyń basyn qosý – úlken qýanysh ári jaýapkershilik. Árıne, bul start otandyq jeńil atletıka úshin ǵana emes, jalpy Qazaqstan sporty úshin úlken oqıǵa.

Bul jarysqa 45 elden 136 sportshy qatysady. Onyń ishinde 4 Olımpıada chempıony, 10 álem chempıony, 3 Eýropa chempıony, 1 Azııa chempıony jáne 2 álem rekordshysy bar, — dedi Jeńil atletıka federaııasynyń prezıdenti.

Spıkerler Qazaqstandaǵy jeńil atletıkanyń damý bolashaǵy jáne aldaǵy týrnırge daıyndyq týraly suraqtarǵa jaýap berdi.

Eske sala keteıik, altyn deńgeıli kezdesýler serııasy álemniń 7 qalasynda ótedi. 27 qańtarda Astanada bastalyp, 23 aqpanda Madrıdte aıaqtalady.

Astanada áıelder arasyndaǵy jarys 400 m, 60 m, 1 mıl, 60 m kedergiler, bıiktikke sekirý, uzyndyqqa sekirýden bolady.

Erler 60 m, 60 m kedergilermen júgirý, 3 000 m, 400 m, syryqpen sekirý, ıadro laqtyrýdan jarysady.