ازيا كۋبوگى: وزبەكستان مەن تاجىكستان پلەي-وففقا شىقتى

وسى كۇندەرى كاتاردا فۋتبولدان ازيا كۋبوگى جولىنداعى تۋرنير بولىپ جاتىر. تۋرنير 12 قاڭتاردا باستالعان. 10 اقپاندا فينال بولادى. سول كۇنى سارىقۇرلىقتىڭ بيىلعى كۋبوگىنىڭ يەگەرى انىقتالادى.

بيىلعى دوداعا قالىپتاسقان ءداستۇر بويىنشا 24 ەلدىڭ ۇلتتىق قۇرامالارى قاتىسۋدا. كەشە ءوز توپتارىندا العاشقى ەكى ورىندى جەڭىپ العان 16 كوماندا 1/8 فينالعا شىقتى. ءوز توپتارىندا ءۇشىنشى جانە تقرتىنشى ورىندا قالعان باسقا قۇرامالار تۋرنيرمەن قوش ايتىستى. سونىڭ ىشىندە ورتالىق ازيادان قىرعىزستاننىڭ جاساعى دا بار. ال وزبەكستان مەن تاجىكستان ەلدەرىنىڭ ۇلتتىق قۇرامالارى ءوز توپتارىندا ەكىنشى ورىندى يەلەنىپ، كەلەسى اينالىمعا جولداما الدى. ءسويتىپ، ولار جانكۇيەرلەرىن تاعى ءبىر رەت قۋانتتى. اسىرەسە، تاجىك ەلىنىڭ فۋتبولشىلارى 1/8 فينالعا شىعىپ، سەنساتسيا جاسادى.

تاجىكستان ا توبىندا كاتاردى عانا العا جىبەرىپ، ەكىنشى ورىن الدى. ولار قىتاي مەن ليۆاندى ارتتا قالدىردى. ال وزبەكستان ۆ توبىندا اۋستراليانى عانا ءبىرىنشى ورىنعا شىعارىپ، وزدەرى ەكىنشى ورىندى قاناعات تۇتتى. وزبەك فۋتبولشىلارىنان كەيىن سيريا مەن ءۇندىستاننىڭ قۇرامالارى ءۇشىنشى جانە ءتورتىنشى ورىندى قالدى.

ەندى وزبەكستان ازيا كۋبوگىنىڭ 1/8 فينالىندا تايلاند قۇراماسىمەن وينايدى. ال تاجىكستان كومانداسى بىرىككەن اراب امىرلىكتەرىمەن كۇش سىناسادى.

ولاردان باسقا قۇرلىق كۋبوگىنىڭ 1/8 فينالىندا اۆستراليا – يندونەزيا، يراك – يوردانيا، كاتار – پالەستينا، ساۋد ارابياسى – وڭتۇستىك كورەيا، باحرەين – جاپونيا، يران – سيريا باق سىناسادى.

پالەستينا، سيريا، يوردانيا مەن يندونەزيا ءوز توپتارىندا ءۇشىنشى ورىن السا دا ۇپاي سانىمەن جانە دوپ ايىرماشىلىعىمەن كەلەسى اينالىمعا شىقتى.

ازيا كۋبوگىنىڭ 1/8 فينالدىق ويىندارى 28-31 قاڭتار ارالىعىندا وتەدى.

ازيا كۋبوگىنىڭ قازىرگى يەگەرى – اۋستراليا. بۇل ەلدىڭ قۇراماسى 2022 جىلى فينالدا ءباا 2:1 ەسەبىمەن جەڭگەن.

داستان كەنجالين،

استانا