Azııa kýbogy: О́zbekstan men Tájikstan pleı-offqa shyqty

Osy kúnderi Katarda fýtboldan Azııa kýbogy jolyndaǵy týrnır bolyp jatyr. Týrnır 12 qańtarda bastalǵan. 10 aqpanda fınal bolady. Sol kúni saryqurlyqtyń bıylǵy kýbogynyń ıegeri anyqtalady.

Bıylǵy dodaǵa qalyptasqan dástúr boıynsha 24 eldiń ulttyq quramalary qatysýda. Keshe óz toptarynda alǵashqy eki oryndy jeńip alǵan 16 komanda 1/8 fınalǵa shyqty. О́z toptarynda úshinshi jáne tqrtynshi orynda qalǵan basqa quramalar týrnırmen qosh aıtysty. Sonyń ishinde Ortalyq Azııadan Qyrǵyzstannyń jasaǵy da bar. Al О́zbekstan men Tájikstan elderiniń ulttyq quramalary óz toptarynda ekinshi oryndy ıelenip, kelesi aınalymǵa joldama aldy. Sóıtip, olar jankúıerlerin taǵy bir ret qýantty. Ásirese, tájik eliniń fýtbolshylary 1/8 fınalǵa shyǵyp, sensaııa jasady.

Tájikstan A tobynda Katardy ǵana alǵa jiberip, ekinshi oryn aldy. Olar Qytaı men Lıvandy artta qaldyrdy. Al О́zbekstan V tobynda Aýstralııany ǵana birinshi orynǵa shyǵaryp, ózderi ekinshi oryndy qanaǵat tutty. О́zbek fýtbolshylarynan keıin Sırııa men Úndistannyń quramalary úshinshi jáne tórtinshi oryndy qaldy.

Endi О́zbekstan Azııa kýbogynyń 1/8 fınalynda Taıland quramasymen oınaıdy. Al Tájikstan komandasy Birikken Arab Ámirlikterimen kúsh synasady.

Olardan basqa qurlyq kýbogynyń 1/8 fınalynda Avstralııa – Indonezııa, Irak – Iordanııa, Katar – Palestına, Saýd Arabııasy – Ońtústik Koreıa, Bahreın – Japonııa, Iran – Sırııa baq synasady.

Palestına, Sırııa, Iordanııa men Indonezııa óz toptarynda úshinshi oryn alsa da upaı sanymen jáne dop aıyrmashylyǵymen kelesi aınalymǵa shyqty.

Azııa kýbogynyń 1/8 fınaldyq oıyndary 28-31 qańtar aralyǵynda ótedi.

Azııa kýbogynyń qazirgi ıegeri – Aýstralııa. Bul eldiń quramasy 2022 jyly fınalda BAÁ 2:1 esebimen jeńgen.

Dastan KENJALIN,

ASTANA