Abat Aıymbetov Túrkııanyń klýbyna aýysýy múmkin

Túrkııanyń aqparat quraldarynyń  habarlaýynsha, «Adana Demırspor» fýtbol klýby Qazaqstan ulttyq quramasynyń shabýylshysyn satyp alýy múmkin.

Telegram-daǵy Sportqazaq arnasynyń málimetine qaraǵanda, fýtbolshy búgin túnde Túrkııaǵa jolǵa shyqty. Ol Anadoly elinde medıınalyq tekseristen ótip, kelisimshartqa qol qoıýy yqtımal.

Túrkııada qysqy transfer kezeńi 9 aqpanda jabylady. Sondyqtan esh qıyndyqsyz úlgerýge bolady, — delingen habarlamada.

«Aqtóbe» klýbynyń basshylyǵy da Aıymbetovti komanda qatarynda kórgisi keledi. Biraq, fýtbolshy bıylǵy maýsymnan bastap shetelde oınaǵysy keledi eken. Sol úshin «Astana» klýbymen Birikken Arab Ámirlikterine oqý-jattyǵýǵa barmapty.

Eske salsaq, Abat Aıymbetov «Aqtóbe» klýbynda 2012-2019 jyldary oınaǵan. Odan keıin bir jyl Almatynyń «Qaırat» komandasynda dop teýip, Reseıdiń «Krylıa Sovetov» jasaǵynyń jeıdesinde alańǵa shyqqan. Al 2021 jyldan beri ol «Astana» klýbynyń namysyn qorǵap keledi.