SportPress.kz قازاقستان سپورت جاڭالىقتارى
پارادزيۋدودان الەم جانە ازيا چەمپيونى، قازاقستان رەسپۋبليكاسىنا ەڭبەك سىڭىرگەن سپورت شەبەرى ەرعالي شامەي تۋرالى كوركەم فيلم حالىقارالىق كينوفەستيۆالدە جەڭىمپاز اتاندى.
بۇل كينوفەستيۆال افريكانىڭ كەنيا ەلىندە بولدى. وعان الەمنىڭ تۇكپىر-تۇكپىرىنەن سپورت تۋرالى فيلمدەرىن ۇسىنعان ەلدەر جينالدى. وسى ونەر دوداسىندا ەلىمىزدە پارادزيۋدوشىنىڭ ءومىرى جايلى تۇڭعىش رەت تۇسىرىلگەن «ءۇمىت ساۋلەسى» ءفيلمى باس جۇلدەنى جەڭىپ الدى.
ءبىزدىڭ ءفيلمىمىزدىڭ باستى كەيىپكەرى — ەرعالي شامەي. موڭعوليادا تۋعان قانداسىمىز 18 جاسىندا قازاقستانعا كوشىپ كەلىپ، 2015 جىلى جاتتىقتىرۋشىنىڭ ارنايى شاقىرتۋىمەن سپورتپەن اينالىسا باستادى.
ەرعالي شامەي ءوزىنىڭ جاۋىنگەرلىك بولمىسى، ەڭبەكقورلىعى جانە سپورتقا ەپتىلىگىنىڭ ارقاسىندا قازاقستاننىڭ پارا دزيۋدودان حالىقارالىق سپورت شەبەرى بولدى.
جاقىن ارادا سىزدەردى ءبىزدىڭ باستى كەيىپكەرىمىزدىڭ مىنەزىن، قايسارلىعىن جانە جالپى بولمىسىن اشىپ سومدايتىن اكتەرمەن تانىستىراتىن بولامىز. كوركەم فيلم تەلەارنالاردان كورسەتىلەدى.
بۇل كينو شىنايى ومىرگە نەگىزدەلگەن. ول سپورت تاقىرىبىنا تۇسىرىلگەن فيلمدەردىڭ ىشىندە 2023 جىلدىڭ ۇزدىگى اتاندى، — دەلىنگەن «ءۇمىت ساۋلەسى» ءفيلمىنىڭ Instagram-داعى پاراقشاسىندا.
كينوجوبا ۇلتتىق كينونى قولداۋ مەملەكەتتىك ورتالىعىنىڭ تاپسىرىسىمەن ءتۇسىرىلدى.
داستان كەنجالين،
استانا
View this post on Instagram
