KISSFF 2023 kınofestıvalinde Erǵalı Shameı týraly fılm jeńimpaz atandy

 Paradzıýdodan álem jáne Azııa chempıony, Qazaqstan Respýblıkasyna eńbek sińirgen sport sheberi Erǵalı Shameı týraly kórkem fılm halyqaralyq kınofestıvalde jeńimpaz atandy.

Bul kınofestıval Afrıkanyń Kenııa elinde boldy. Oǵan álemniń túkpir-túkpirinen sport týraly fılmderin usynǵan elder jınaldy. Osy óner dodasynda elimizde paradzıýdoshynyń ómiri jaıly tuńǵysh ret túsirilgen «Úmit sáýlesi» fılmi bas júldeni jeńip aldy.

Bizdiń fılmimizdiń basty keıipkeri — Erǵalı Shameı. Mońǵolııada týǵan qandasymyz 18 jasynda Qazaqstanǵa kóship kelip, 2015 jyly jattyqtyrýshynyń arnaıy shaqyrtýymen sportpen aınalysa bastady.

Erǵalı Shameı óziniń jaýyngerlik bolmysy, eńbekqorlyǵy jáne sportqa eptiliginiń arqasynda Qazaqstannyń para dzıýdodan halyqaralyq sport sheberi boldy.

Jaqyn arada sizderdi bizdiń basty keıipkerimizdiń minezin, qaısarlyǵyn jáne jalpy bolmysyn ashyp somdaıtyn aktermen tanystyratyn bolamyz. Kórkem fılm telearnalardan kórsetiledi.

Bul kıno shynaıy ómirge negizdelgen. Ol sport taqyrybyna túsirilgen fılmderdiń ishinde 2023 jyldyń úzdigi atandy, — delingen «Úmit sáýlesi» fılminiń Instagram-daǵy paraqshasynda.

Kınojoba Ulttyq kınony qoldaý memlekettik ortalyǵynyń tapsyrysymen túsirildi.

Dastan KENJALIN,

ASTANA

 

View this post on Instagram

 

A post shared by Qysqametrajdy Fılm “Úmit Sáýlesi” (@umit.saulesy)