بوكس فەدەراتسياسىنىڭ جاڭا باسشىسى مينيسترمەن كەزدەستى (ۆيدەو)

قازاقستان بوكس فەدەراتسياسىنىڭ پرەزيدەنتى شاحمۇرات ءمۇتالىپ تۋريزم جانە سپورت ءمينيسترى ەرمەك مارجىقپاەۆپەن كەزدەستى.

كەزدەسۋدە بوكس ۇيىمىنىڭ باسشىسى مينيسترگە فەدەراتسيانىڭ جوبا-جوسپارى مەن ەلىمىزدە سپورتتىڭ وسى ءتۇرىن دامىتۋدا ءوز ويىن ايتىپ بەردى.  مينيستر فەدەراتسيا باسشىسىنا جاڭا قىزمەتىنە ساتتىلىك تىلەپ، سپورتشىلاردىڭ وليمپيالىق ويىندار مەن باسقا دا جارىستارعا جاقسى دايىندالۋىن تاپسىردى.

بوكس – ەلىمىزدە كەڭ تاراعان، جانكۇيەرى ەڭ كوپ سپورت تۇرلەرىنىڭ ءبىرى. سوندىقتان شاحمۇرات مۇتالىپكە ۇلكەن جاۋاپكەرشىلىك ارتىلىپ وتىر. بىلعارى قولعاپ شەبەرلەرىمىزدى الدا بىرنەشە حالىقارالىق جارىس، ليتسەنزيالىق تۋرنير كۇتىپ تۇر. وسى جارىستارعا وتانداستارىمىز جاقسى دايىندىقپەن بارىپ، جانكۇيەرلەردى جەڭىسپەن قۋانتۋعا ءتيىس، — دەدى ول.

كەزدەسۋدە ەرلەر اراسىنداعى ۇلتتىق قۇراما كوماندانىڭ باس جاتتىقتىرۋشىسى مىرزاعالي ايتجانوۆ پەن ايەلدەر قۇراماسىنىڭ باس جاتتىقتىرۋشىسى شاميل سافيۋللين كوماندالاردىڭ وقۋ-جاتتىعۋ جيىندارىن وتكىزىپ، جارىستارعا جاقسى دايىندالىپ جاتقانىن اتاپ ءوتتى.

داستان كەنجالين،

استانا