Tennısshi Jibek Qulambaeva ITF týrnıriniń shırek fınalyna shyqty

Tennısshi Jibek Qulambaeva juptyq synda Taılandta ótip jatqan ITF týrnıriniń shırek fınalyna shyqty, dep habarlady Qazaqstan tennıs federaııasy.

Qulambaeva jarysta 4-raketka bolyp tirkelip, Taılandtyń ókili Lanlana Tarraýdımen birge alǵashqy aınalymda úndi Lıl Desaı men reseılik Anastasııa Sýhotınany jeńdi.

Match eki setke sozylyp, 6:1, 7:5 esebimen Qulambaeva – Tarraýdı tandeminiń paıdasyna sheshildi.

Endi olar jartylaı fınalǵa shyǵý úshin taıbeılik Ia Sın Lı men qytaılyq Lıý Fanchjoýmen kezdesedi.

Sonymen birge Qazaqstannyń azamattyǵyn alǵan Aleksandr Shevchenko men Elena Rybakına ózderi qatysyp jatqan týrnırlerde kelesi aınalymǵa joldama aldy. Shevchenko Nıderlandtyń Rotterdam qalasynda jalaýy jelbiregen ATP 500 týrnıriniń ekinshi aınalymyna shyqty.

Ol alǵashqy matchta álemdik reıtıngide ózinen on saty joǵary turǵan qytaı tennısshisi Chjan Chjıchjendi 6:4, 6:4, 6:3 esebimen jeńiske jetti.

Machta Shevchenko 13 eıspen birge 8 breık-poınttyń teń jartysyn múlt jibermedi. Al oıyn 2,5 saǵatqa sozyldy. Endi tennısshige shırek fınalǵa shyǵý úshin álemniń 7-raketkasy, danııalyq Holger Rýne nemese reıtıngide 39-satydaǵy reseılik Roman Safıýllınniń jeńgenimen talasady.

Elena Rybakına Katardyń Doha qalasynda  WTA 1000 týrnıriniń úshinshi aınalymyna shyqty.

Tennısshi jarystyń 3-raketkasy bolyp tirkeldi. Machta Rybakına tennısshi dúnıejúzilik reıtıngide 57-orynda turǵan qytaılyq Chjý Lınmen oınady.

Osyǵan deıin qarsylastar ózara eki ret kezdesip, bir-birin jeńgen edi.

2019 jyly Aýstralııa ashyq chempıonatynda qytaılyq sportshy 6:2, 6:4 esebimen basys tússe, keıin sol jyly qyrkúıekte Rybakına  Qytaıdyń Ýhanda qarsylasynda qarymta qaıyrdy. Sol kezde match  7:5, 2:6, 6:0 bolyp aıaqtaldy.

Bul joly Elena matchty birden breıkpen bastady. Sóıtip, 2:0 esebimen alǵa shyqty.  Sodan keıin setti taǵy bir breıkpen bitirdi. Esep — 6:2.

Ekinshi jáne úshinshi partııada da osyndaı eseppen aıaqtaldy.

Rybakına bir saǵatqa jetpeıtin ýaqytta 7 eıspen birge 7 breık-poınttyń tórteýin múlt jibergen joq.

Elena Rybakına júlde qory 3,2 mln AQSh dollarynan asatyn jarystyń shırek fınalyna shyǵý úshin álemniń 23-raketkasy, amerıkalyq Emma Navarromen kezdesedi.