SportPress.kz Qazaqstan sport jańalyqtary
Qazaqstannyń ekinshi, álemniń 57-raketkasy Aleksandr Shevchenko Nıderlandtyń Rotterdam qalasynda ótip jatqan ATP 500 týrnıriniń shırek fınalyna shyqty, dep habarlady Qazaqstan tennıs federaııasy.
Ol ekinshi aınalymda álemniń 7-raketkasy, danııalyq Holger Rýneni jeńip, sensaııa jasady.
Birinshi partııada esep 4:4 bolǵan kezde Shevchenko breık jasaı aldy. Osylaısha birinshi sette esep 6:4 bolyp aıaqtaldy.
Ekinshi sette Rýne 6:1 esebimen ese qaıtardy.
Úshinshi, sheshýshi partııada Shevchenko taǵy bir breık jasap, matchta 6:3 esebimen jeńiske jetti.
Bul oıyn bir jarym saǵattan astam ýaqytqa sozyldy.
Endi Aleksandr Shevchenko jartylaı fınalǵa shyǵý úshin álemniń 13-raketkasy, bolgarııalyq Grıgor Dımıtrovpen kezdesedi.
Onyń aldynda Shevchenko qytaılyq Chjan Chjıchjenmen kortqa shyǵyp, ony da jeńgen bolatyn.
Shevchenko Reseıden kelgen sportshy. Ol bıyl Qazaqstannyń azamattyǵyn aldy.
Taǵy bir tennısshi Dmıtrıı Popko AQSh-taǵy Palm-Koýst ITF týrnıriniń shırek fınalyna shyqty.
Jarystyń ekinshi raketkasy bolyp tirkelgen tennısshi aldymen dúnıejúzilik reıtıngide 1 238-orynda turǵan amerıkalyq Aleksander Razegıdi 6:4, 6:4 esebimen jeńdi.
Popko ekinshi aınalymda taǵy bir amerıkalyq, reıtıngide 781-oryndaǵy Felıks Korvınnen dál sondaı eseppen aılasyn asyrdy.
Dmıtrıı Popko jartylaı fınalǵa shyǵý úshin álemniń 821-raketkasy, AQSh ókili Aksel Nefvemen kezdesedi.
Qazaqstan tennısshisi bir apta buryn Sanraızdaǵy dál osyndaı dodada jeńimpaz atanǵan edi. Sol kezde ol A.Nefveni 6:7 (9:11), 7:5, 6:2 esebimen jeńgen bolatyn.
Mıhaıl Kýkýshkın Bahreınniń Manama qalasynda ótip jatqan chellendjer jarysynyń jartylaı fınalyna shyqty.
Qazaqstan tennısshisi shırek fınalda álemniń 187-raketkasy, ıordanııalyq Abedalla Shelbaıhpen oınady.
Eki sette de 6:4, 6:4 esebi tirkelip, Kýkýshkın jeńiske jetti.
Mıhaıl Kýkýshkın fınalǵa shyǵý úshin álemniń 129-raketkasy, chehııalyq Iakýb Menshıkpen kezdesedi.
