SportPress.kz Qazaqstan sport jańalyqtary
Bıatlonnan Chehııanyń Nove-Mesto qalasynda ótip jatqan álem chempıonatynda erler quramasy estafeta saıysynda úzdik ondyqqa endi.
Bul jarysta el namysyn Aleksandr Mýhın, Vladıslav Kıreev, Áset Dúısenov pen Nıkıta Akımov qorǵady.
Jarys alańyna alǵash bolyp Aleksandr Mýhın shyqty. Ol barlyq nysanaǵa dál tıgizip, jeńimpazdan +0.9 sekýnd aıyrmashylyqpen estafetany úzdik úshtiktiń qatarynda Vladıslav Kıreevke tapsyrdy.
Vladıslav Kıreev alǵashqy jatyp atýda úsh ret, al ornynan turyp birden barlyq nysanany dál kózdedi. Ol estafetany Áset Dúısenovke úzdik tórttiktiń qatarynda tapsyrdy.
Jarys alańyna shyqqan Áset Dúısenov birinshi aınalymda eki oǵy qıys ketip, qosymsha oqpen barlyq nysanaǵa dál tıgizse, ekinshi aınalymda da mergendik tanytty. Dúısenovten keıin básekeni alǵash ret eresekter arasyndaǵy álem chempıonatyna qatysqan Nıkıta Akımov jalǵastyrdy. Ol birinshi aınalymda úsh qosymsha, ekinshi aınalymda eki qosymsha oqty paıdalanyp, komandany úzdik ondyqtan túsirmedi.
Osylaısha, jyldyń basty starty óz máresine jetip, bıatlonnan ulttyq qurama alǵash ret álem chempıonatynda úzdik ondyqqa kirdi, dep habarlady Qazaqstan bıatlonshylar odaǵynyń baspasóz qyzmeti.
