Rybakına Doha týrnırinen 308 320 dollar syıaqy aldy

 Qazaqstanyń birinshi, álemniń tórtinshi raketkasy Elena Rybakınanyń Qatardyń Doha qalasynda ótken Qatar Totalenergies Open WTA 1000 týrnırinen tapqan paıdasy belgili boldy.

Tennısshi fınalǵa shyqqany úshin 308 320 AQSh dollary s men 650 reıtıng upaıyn aldy.

Týrnırdiń jeńimpazy Polsha sportshysy Iga Shventek 523 485 dollarǵa ıe bolsa, reıtıngtegi jaǵdaıyn 1000 upaıǵa jaqsartty.

Iga Shventek — álemniń birinshi raketkasy.  Ekeýi osyǵan deıin tórt ret oınap, sonyń úsheýinde Rybakına jeńiske jetken edi. Endi tennısshilerdiń ózara esebi 3:2 boldy.

Bul joly da Rybakına baryn salyp oınady. Ol birinshi partııada eki breık jasap, 4:1 esebimen alǵa shyqqan edi. Alaıda Shventek esepti teńestire aldy. Rybakına taǵy bir breık jasap, setke dop bergenimen, múmkindigin paıdalana almady. Sodan keıin taı-breıkte 6:7 (8:10) esebimen jeńildi.

Ekinshi sette Shventek breıkpen alǵa shyqty. Odan soń esepti 5:2-ge jetkizdi. Eń sońynda matchqa dop bergende, óz múmkindigin jibergen joq. Esep  6:2 boldy.

Match 2 saǵat 15 mınýtqa sozyldy.

Rybakına 3 eıspen birge 10 breık-poınttyń úsheýin ǵana paıdalandy.

Endi Elena Rybakına aldaǵy aptada Dýbaıda dál osyndaı jarysta baq synaıtyn bolady.

Dýbaı WTA 1000 týrnırinde  Rybakına jarysty ekinshi aınalymnan bastaıdy

Ol áýeli álemniń 31-raketkasy, Belarýs ókili Vıktorııa Azarenko nemese reıtıngide 43-oryndaǵy Nıderlandttyń ókili  Arancha Rýstyń arasyndaǵy oıynnyń jeńimpazymen kezdesedi.

Taǵy bir álemniń 76-raketkasy Iýlııa Pýtıneva negizgi týrnırge óte almady. Ol irikteý saıystarynyń fınalynda tartysty básekede álemniń 52-raketkasy, Polsha ókili Magdalena Freshke 3:6, 6:3, 4:6 esebimen jeńilip qaldy.

Sondaı-aq erler arasynda álemniń 189-raketkasy Beıbit Juqaev Doha ATP 250 dodasynyń irikteý saıysynda súrindi. Ol álemniń 140-raketkasy, slovakııalyq Lýkash Kleınge 4:6, 3:6 esebimen ese jiberdi. Al Mıhaıl Kýkýshkın jarady. Tennısshi Bahreınniń Manama qalasynda ótken chellendjer týrnıriniń jeńimpazy atandy.

Ol fınalda álemniń 130-raketkasy, franııalyq Rıshar Gaskemen bas júldeni sarapqa saldy.

Kýkýshkın birinshi partııada taı-breıkte qarsylasynan 7:6 (7:5) esebimen basym tústi. Sodan keıin ekinshi sette 6:4 esebimen jeńdi.

Mıhaıl Kýkýshkın osy tabysynyń arqasynda ATP Live reıtınginde birden 162-orynǵa kóterildi.

Dastan KENJALIN,

ASTANA