SportPress.kz قازاقستان سپورت جاڭالىقتارى
… ال، ۇلتتىق وليمپيادالىق كوميتەتىنە ناعىز توراعا كەرەك بولسا، نەگە داڭقتى سەرىك قوناقباەۆتى ەسكە المادىق؟! سوناۋ سوۆەت زامانىندا-اق بۇكىل الەمنىڭ سپورت جانكۇيەرلەرىن: «شىركىن-اي، مىناۋ كىم، كىمنىڭ بالاسى، قاي ۇلتتىڭ ۇلانى؟!» دەگىزگەن عاجاپ ۇلدارىمىزدىڭ ءبىرى ەمەس پە سەرىك؟! سپورت مايدانىندا (قىلىشىنان قان تامعان كەڭەس كەزەڭىندە!) دۇنيەنى ءدۇر سىلكىندىرگەن سەرىك بۇگىن دە ءتىرى! ەل قۇساپ كورىنگەن جەردەن سىعالاماي،وڭدى-سولدى ۇرىنباي، ءوز جۇمىسىن ءبىلىپ، ءتاۋبا، امان-ەسەن ءجۇرىپ جاتىر. ەگەر ۇوك بىلگىر باسشى كەرەك بولسا، سەرىكتى نەگە ۇسىنباسقا؟! مەن ۇسىنامىن سەرىكتى دە! ويتكەنى، بۇل قوعامدىق ۇيىمنىڭ باسشىسىن تاعايىندامايدى — سايلايدى!
…كەيبىر جاندار سەرىك تۇگىلى داۋلەتتىڭ جاسى كەلگەن دەپ جاتىر. بۇل — وڭباي قاتەلەسۋ! كەرىسىنشە مۇنداي ۇيىمنىڭ باسىندا تولىسقان، ومىردەن مول تاجريبە جيناعان جاندار بولۋى كەرەك! ويتكەنى، ول توراعا كۇرەسكە دە، بوكسكە دە، جۇگىرۋ-سەكىرۋدەن جارىسقا دا تۇسپەيدى عوي. جاسى ۇلعايعان جان مەملەكەتتىك قىزمەتتە عانا ۇزاق ەڭبەك ەتە المايدى. ال، ۇوك سەكىلدى قوعامدىڭ ۇيىم قىزمەتىنە كەلسەك،مەن بىلەتىن مىڭ ەلدىڭ ۇوك باسشىلارى جاسى ۇلكەن، قاقتى-سوقتىدان توقتاعان جاندار.
قاراڭىز: حالىقارالىق وليمپيادالىق كوميتەتىنىڭ پرەزيدەنتى توماس باح مىرزا 70 جاستان استى! كىم وعان كارىسىڭ دەپ كىنا قويىپ وتىر؟! ەل پرەزيدەنتى دە 70-تەن استى. اقش پرەزيدەنتى 80-نەن استى…
مەن بىرەۋدىڭ نەمەسە بىرنەشەۋدىڭ جىرتىسىن جىرتىپ وتىرعان جوقپىن. مەن ۇرپاقتارىمىز ءومىر سۇرەتىن قازاق قوعامىندا دۇرىس جول، دۇرىس تاڭداۋ بولسا ەكەن دەگەن وي ءۇشىن عانا قۇربان بولىپ وتىرمىن!
«ەل بولسا ەر تۋعىزباي تۇرا المايدىنى!» ايتقان حالىقتىڭ بالاسى بولساق،ەنتىگىپ جۇگىرە بەرمەي،ءبىر ۋاقىت توقتاپ، دەمىمىزدى الىپ،جان-جاعىمىزعا كوزىمىزدى كەڭىرەك اشا قاراعانىمىز ءجون-اۋ وسى!
نەسىپ جۇنىسباي ۇلى،
سپورت ءجۋرناليسى، جازۋشى، سپورت قايراتكەرى
