UOK prezıdenttigine saılaý: Búkil álem tik turyp qol soqqan Serik emes pe!!!

… Al, Ulttyq Olımpıadalyq komıtetine naǵyz tóraǵa kerek bolsa, nege dańqty Serik QONAQBAEVTY eske almadyq?! Sonaý Sovet zamanynda-aq búkil álemniń sport jankúıerlerin: «Shirkin-aı, mynaý kim, kimniń balasy, qaı ulttyń ulany?!» degizgen ǵajap uldarymyzdyń biri emes pe SERIK?! Sport maıdanynda (Qylyshynan qan tamǵan Keńes kezeńinde!) dúnıeni dúr silkindirgen Serik búgin de tiri! El qusap kóringen jerden syǵalamaı,ońdy-soldy urynbaı, óz jumysyn bilip, táýba, aman-esen júrip jatyr. Eger UOK bilgir basshy kerek bolsa, Serikti nege usynbasqa?! MEN USYNAMYN SERIKTI de! О́ıtkeni, bul qoǵamdyq uıymnyń basshysyn TAǴAIYNDAMAIDY — SAILAIDY!

…Keıbir jandar Serik túgili Dáýlettiń jasy kelgen dep jatyr. Bul — ońbaı qatelesý! Kerisinshe mundaı uıymnyń basynda tolysqan, ómirden mol tájrıbe jınaǵan jandar bolýy kerek! О́ıtkeni, ol tóraǵa kúreske de, bokske de, júgirý-sekirýden jarysqa da túspeıdi ǵoı. Jasy ulǵaıǵan jan MEMLEKETTIK QYZMETTE ǵana uzaq eńbek ete almaıdy. Al, UOK sekildi qoǵamdyń uıym qyzmetine kelsek,men biletin myń eldiń UOK basshylary jasy úlken, qaqty-soqtydan toqtaǵan jandar.

QARAŃYZ: Halyqaralyq Olımpıadalyq komıtetiniń prezıdenti Tomas BAH myrza 70 jastan ASTY! Kim oǵan kárisiń dep kiná qoıyp otyr?! El Prezıdenti de 70-ten asty. AQSh Prezıdenti 80-nen asty…

Men bireýdiń nemese birnesheýdiń jyrtysyn jyrtyp otyrǵan joqpyn. Men URPAQTARYMYZ ómir súretin QAZAQ QOǴAMYNDA durys jol, durys tańdaý bolsa eken degen oı úshin ǵana QURBAN BOLYP OTYRMYN!

«EL BOLSA ER TÝǴYZBAI TURA ALMAIDYNY!» aıtqan halyqtyń balasy bolsaq,entigip júgire bermeı,bir ýaqyt toqtap, demimizdi alyp,jan-jaǵymyzǵa kózimizdi keńirek asha qaraǵanymyz jón-aý osy!

Nesip JÚNISBAIULY,

sport jýrnalısi, jazýshy, sport qaıratkeri