قازاقستان قۇراماسى ازيا چەمپيوناتىنىڭ قولا جۇلدەگەرى اتاندى

قازاقستان قۇراماسى ۆەلوترەكتەن ءۇندىستاننىڭ استاناسى – دەلي قالاسىندا ەرەسەكتەر اراسىندا 43-ءشى، جاسوسپىرىمدەر اراسىنداعى 30-شى، پاراسپورتشىلار اراسىنداعى XII رەت ءوتىپ جاتقان ازيا چەمپيوناتىنىڭ قولا جۇلدەگەرى اتاندى. بۇل تۋرالى تۋريزم جانە سپورت مينيسترلىگى سپورتتى دامىتۋ ديرەكتسياسى حابارلادى.

چەمپيوناتتىڭ العاشقى كۇنى ءىز كەسۋ جارىسىندا قازاقستان ەرلەر قۇراماسى (الىشەر جۇماقان، دميتري نوسكوۆ، راميس دىنمۇحامەتوۆ) كوماندالىق جارىستا قولا جۇلدەنى يەلەندى. ولاردىڭ ۋاقىت كورسەتكىشى — 4:03.129 سەكۋند. التىن مەدالدى جاپونيا قۇراماسى جەڭىپ السا، كۇمىس جۇلدە قىتاي ەلىنە بۇيىردى. سونداي-اق قۇرامىندا كيريلل كۋرديدي، دميتري رەزانوۆ، سەرگەي پونومارەۆ بار تاعى ءبىر وتاندىق قۇرام سپرينتتەن بەسىنشى ورىن الدى.

سارى قۇرلىق دوداسىنا بيىل 23 ەلدىڭ ۇزدىكتەرى جينالدى. ەلىمىزدىڭ نامىسىن 9 سپورتشى قورعاپ جاتىر. ازيا چەمپيوناتى 26 اقپانعا دەيىن جالعاسادى.