«بارسەلونانىڭ» بۇرىنعى ويىنشىسى داني الۆەس 4،5 جىلعا سوتتالدى

يسپانيا سوتى «بارسەلونا» كلۋبىنىڭ بۇرىنعى ويىنشىسى برازيليالىق داني الۆەستى ايەل زورلادى دەگەن ايىپپەن 4،5 جىلعا باس بوستاندىعىنان ايىردى.

سونىمەن بىرگە سوت داني الۆەسكە جابىرلەنۋشىگە 150 مىڭ ەۋرو مورالدىق وتەماقى تولەۋ تۋرالى شەشىم شىعاردى.

قولدا بار مالىمەتكە قاراعاندا، برازيليالىق فۋتبولشى بارسەلونا قالاسىنىڭ تۇنگى كلۋبتارىنىڭ بىرىندە ءبىر ايەلمەن تانىسىپ، ونى دارەتحانادا زورلاعان. ال الۆەستىڭ ايتۋىنشا، ايەلدىڭ ءوزى جىنىستىق قاتىناسقا كەلىسىمىن بەرگەن. بىراق سوت داني الۆەستىڭ ۋاجىنە قاراماي، ايەلدىڭ ارىزىن عانا ەسكەرىپ، فۋتبولشىنى 4،5 جىلعا باس بوستاندىعىنا ايىرۋ تۋرالى شەشىم قابىلدادى.

داني الۆەس بىلتىر 23 قاڭتاردا قاماۋعا الىنعان بولاتىن. سول كەزدەن بەرى ول قاماۋدا وتىر. كامەرادا ول جالعىز ەمەس. ونىڭ جانىندا تاعى ءبىر اتاقتى برازيليالىق فۋتبولشى رونالدينونىڭ بۇرىنعى وققاعارى كوۋتينو بار. الۆەس ونى بۇرىننان تانيدى.

پروكۋروردىڭ ايتۋىنا قاراعاندا، قىلمىس 2022 جىلى 31 جەلتوقساندا بولعان. برازيليالىق فۋتبولشى قىلمىسىن مويىنداماي، سوت شەشىمىنە شاعىم تۇسىرەتىنىن ايتتى.

داستان كەنجالين،

استانا

داني الۆەستىڭ بۇرىنعى زايىبى حوانا سانس