«Barselonanyń» burynǵy oıynshysy Danı Alves 4,5 jylǵa sottaldy

Ispanııa soty «Barselona» klýbynyń burynǵy oıynshysy brazılııalyq Danı Alvesti áıel zorlady degen aıyppen 4,5 jylǵa bas bostandyǵynan aıyrdy.

Sonymen birge sot Danı Alveske jábirlenýshige 150 myń eýro moraldyq ótemaqy tóleý týraly sheshim shyǵardy.

Qolda bar málimetke qaraǵanda, brazılııalyq fýtbolshy Barselona qalasynyń túngi klýbtarynyń birinde bir áıelmen tanysyp, ony dárethanada zorlaǵan. Al Alvestiń aıtýynsha, áıeldiń ózi jynystyq qatynasqa kelisimin bergen. Biraq sot Danı Alvestiń ýájine qaramaı, áıeldiń aryzyn ǵana eskerip, fýtbolshyny 4,5 jylǵa bas bostandyǵyna aıyrý týraly sheshim qabyldady.

Danı Alves byltyr 23 qańtarda qamaýǵa alynǵan bolatyn. Sol kezden beri ol qamaýda otyr. Kamerada ol jalǵyz emes. Onyń janynda taǵy bir ataqty brazılııalyq fýtbolshy Ronaldınonyń burynǵy oqqaǵary Koýtıno bar. Alves ony burynnan tanıdy.

Prokýrordyń aıtýyna qaraǵanda, qylmys 2022 jyly 31 jeltoqsanda bolǵan. Brazılııalyq fýtbolshy qylmysyn moıyndamaı, sot sheshimine shaǵym túsiretinin aıtty.

Dastan KENJALIN,

ASTANA

Danı Alvestiń burynǵy zaıyby Hoana Sans