SportPress.kz قازاقستان سپورت جاڭالىقتارى
تەننيسشى اسىلجان ارىستانبەكوۆا مەن سونيا جيەنباەۆا مىسىردا وتكەن J500 ITF Juniors ءتۋرنيرىنىڭ جۇپتىق سىندا جەڭىمپازى اتاندى، دەپ حابارلادى Rraketkasi.
تاعى ەكى تەننيسشىمىز الەكساندر نەدوۆەسوۆ پەن دميتري پوپكو ATP 250 مەن ITF ءتۋرنيرىنىڭ فينالىنا شىقتى.
نەدوۆەسوۆ مەكسيكانىڭ لوس-كابوس قالاسىندا ءوتىپ جاتقان ATP 250 تۋرنيرىندە ەكۆادورلىق گونسالو ەسكوبارمەن بىرگە جارتىلاي فينالدا مەكسيكالىق ميگەل انحەل رەيەس-ۆارەلا مەن ارگەنتينالىق گۆيدو اندرەوتستسيمەن سىنعا ءتۇستى.
ءبىرىنشى پارتيادا نەدوۆەسوۆ پەن ەسكوبار ەكى برەيك جاساپ، 6:2 ەسەبىمەن باسىم ءتۇستى.
ەسەسىنە ەكىنشى سەتتە مەكسيكالىق تەننيسشى مەن ارگەنتينالىق سپورتشى دۋەتى 3:0 ەسەبىمەن العا شىقتى. دەگەنمەن بۇدان كەيىن انەدوۆەسوۆ پەن ەسكوبار قاتارىنان التى گەيمدى جەڭىپ، 6:3 ەسەبىمەن ەكىنشى سەتتى اياقتادى.
ەندى ولاردىڭ فينالداعى قارسىلاستارى كەيىن انىقتالادى.
دميتري پوپكو اقش-تىڭ ناپلەس قالاسىندا جالاۋى كوتەرىلگەن ITF ءتۋرنيرىنىڭ فينالىنا جولداما الدى.
ول جارىستىڭ ءۇشىنشى راكەتكاسى بولىپ تىركەلىپ، جارتىلاي فينالدا الەمدىك رەيتينگىدە 442-ورىندا تۇرعان دومينيكان رەسپۋبليكاسىنىڭ وكىلى روبەرتو سيدپەن كۇش سىناستى.
ءبىرىنشى پارتيادا پوپكو 3:0 ەسەبىمەن العا شىعىپ، 6:3 ەسەبىمەن باسىم ءتۇستى. ەكىنشى سەتتە سيد ەسە قايتاردى. ول 6:4 ەسەبىمەن جەڭدى.
ءۇشىنشى، شەشۋشى پارتيا دميتري پوپكو بىردەن برەيك جاسادى. سودان كەيىن تاعى ءبىر برەيكپەن ەسەپتى 5:1-گە جەتكىزدى. وسى ەسەپتى ۇستاپ تۇرىپ، ماتچتى 6:2 ەسەبىمەن اياقتادى.
فينالدا دميتري پوپكو رەيتينگىدە 649-ساتىدا تۇرعان ەكۆادورلىق اندرەس اندرادەمەن كەزدەسەدى.
وسىمەن فلوريدا شتاتىنداعى ءۇشىنشى تۋرنيردە فينالعا شىققان تەننيسشى بۇعان دەيىن ەكى رەت جەڭىمپاز اتانعان ەدى. سونىڭ ىشىندە 20 اقپاندا پالم-كوۋست قالاسىنداعى جارىستىڭ فينالىندا ا.اندرادەنى 7:5، 1:6، 7:5 ەسەبىمەن جەڭگەن بولاتىن. ەندى ونىمەن ەكىنشى رەت وينايدى.
تاعى ءبىر جاڭالىق، 26 اقپان – 3 ناۋرىز ارالىعىندا بىرىككەن اراب امىرلىكتەرىنىڭ دۋباي قالاسىندا ATP 500 ساناتىنداعى تۋرنير بولادى.
قازاقستاننىڭ ەكىنشى، الەمنىڭ 45-راكەتكاسى الەكساندر شەۆچەنكوعا قيىن قارسىلاس تاپ بولدى.
شەۆچەنكو العاشقى اينالىمدا الەمنىڭ ءتورتىنشى، وسى جارىستىڭ 1-راكەتكاسى، رەسەيلىك دانيل مەدۆەدەۆپەن كۇش سىناسادى.
بۇل رەسەيلىك تەننيسشىنىڭ بيىلعى اۋستراليا اشىق چەمپيوناتىنىڭ فينالىنان كەيىنگى العاشقى كەزدەسۋى بولادى.
قازاقستاننىڭ ءبىرىنشى، الەمنىڭ 21-راكەتكاسى الەكساندر بۋبليك ىرىكتەۋ سايىسى جەڭىمپازدارىنىڭ بىرىمەن كورتقا شىعادى.
