باسكەتبولدان ۇلتتىق قۇراما سىرت الاڭدا قاتاردان باسىم ءتۇستى

باسكەتبولدان ەلىمىزدىڭ ەرلەر قۇراماسى ازيا كۋبوگىنىڭ ىرىكتەۋ كەزەڭىندە سىرت الاڭدا قاتار كومانداسىن 68:73 (12:19، 25:14، 13:15، 18:25) ەسەبىمەن جەڭدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسى.

ۇلتتىق قۇراما ساپىندا انتون بىكوۆ ەڭ ناتيجەلى ويىنشى بولدى. ول تورعا  19 دوپ ءتۇسىردى. وسىدان بىرنەشە كۇن بۇرىن استانادا ەۆگەني وۆسياننيكوۆ جاتتىقتىراتىن ۇلتتىق قۇراما ءۇندىستان كومانداسىن جەڭگەن بولاتىن.

ەندى قاتاردى جەڭگەننەن كەيىن قازاقستان يرانمەن بىرگە ە توبىندا كوش باستادى.