ەلىمىزدە جاڭا فۋتبول ليگالارى قۇرىلدى (ۆيدەو)

استانادا قازاقستان كاسىپقوي فۋتبول ليگاسىنىڭ جاڭا برەندىنىڭ تانىستىرىلىمى مەن جاڭا ماۋسىمىنىڭ تۇساۋكەسەرى بولدى. فۋتبول سالاسىنداعى ماماندار مەن باق وكىلدەرىنە ليگانىڭ جاڭا اتاۋى – QFL (Qazaqstan Football League)، جاڭارتىلعان لوگوتيپ جانە «فۋتبولمەن بىرگە» (فۋتبولمەن بىرگە) ۇرانى تانىستىرىلدى، دەپ حابارلادى QFL سايتى.

وسى راسىمدە بيىلعى ماۋسىمنان باستاپ ەلىمىزدە ليگا كۋبوگى مەن ايەلدەر ليگاسى دەگەن جاڭا تۋرنيرلەردىڭ  بولاتىنى حابارلاندى.

ليگا كۋبوگىنا 16 كلۋب قاتىسادى. ولار كۋبوك ءۇشىن عانا ەمەس، سونىمەن قاتار وتاندىق فۋتبول تاريحىنداعى ەڭ ءىرى جۇلدە قورىن دا ساراپقا سالادى. جۇلدە قورى  1 ملن اقش دوللارى بولادى. ايەلدەر ليگاسىنا ەلىمىزدىڭ بەس وڭىرىنەن 6 كلۋبتىڭ قاتىساتىنى انىقتالدى.

سالتاناتتى ءىس-شاراعا قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ قاتىسىپ، قۇتتىقتاۋ ءسوزىن سويلەدى.

ول قازاقستان فۋتبول فەدەراتسياسى كاسىپقوي فۋتبول ليگاسىمەن ەلىمىزدە سپورتتىڭ وسى ءتۇرىن دامىتۋ ءۇشىن دەمەۋشىلەر مەن ينۆەستورلاردى تارتىپ،  بيزنەس يندۋستريانى قۇرىپ جاتقانىن، الداعى كەزدە ميلليونداعان حالىقتىڭ سۇيىكتى ويىنا دامىسا، مەملەكەت ءۇشىن ول حالىقارالىق ارەنادا ماقتاناتىن سپورت ءتۇرى بولاتىنىن اتاپ ءوتتى.

فۋتبول ماۋسىمىنىڭ اشىلۋ سالتاناتىندا كاسىپقوي فۋتبول ليگاسىنىڭ جاڭا برەندى مەن لوگوتيپى، ەلىمىزدە فۋتبولدى دامىتۋعا باعىتتالعان بىرقاتار جوبالار ۇسىنىلدى. جوبالار نەبارى 9 ايدا ازىرلەندى. ولاردىڭ كەيبىرەۋى ەلىمىزدە بۇرىن-سوڭدى بولماعان. مىسالى، ليگا كۋبوگى مەن  ايەلدەر ليگاسى ەلىمىزدە بۇرىن بولماعان تۋرنيرلەر. بۇل تۋرالى Qazaqstan Football League پرەزيدەنتى رافاەل گاريبيان ايتتى.

فۋتبولمەن بىرگە — بۇل ءبىزدىڭ ۇرانىمىز. ويتكەنى، ليگا فۋتبولدى دامىتۋعا باعىتتالعان بارلىق مىندەتتەردى ىسكە اسىرۋدا مەملەكەتپەن، دەمەۋشىلەرمەن جانە جانكۇيەرلەرمەن تىعىز بايلانىسى قاجەت. مەن قازاقستاندا تۋىپ-ءوستىم. قازاقستان — مەنىڭ وتانىم. مەن ءۇشىن ءبىزدىڭ ۇجىمعا كلۋبتاردىڭ جانە ليگانى دامىتۋ جونىندەگى ماڭىزدى ميسسيانى سەنىپ تاپسىرعانى ۇلكەن قۇرمەت. ءبىز ءۇشىن وتاندىق فۋتبول، ءبىر جاعىنان، زاماناۋي، سەرپىندى دامىپ، ەڭ ۇزدىك ەۋروپالىق ليگالاردىڭ فۋتبول يندۋسترياسىندا ويلاپ تاپقان بارلىق جاقسى دۇنيەلەردى الىپ،  وزىندىك بىرەگەيلىگىن ساقتاپ قالۋى وتە ماڭىزدى. ءۇش جىلدا ءبىز بىرقاتار جوبالاردى ىسكە اسىرىپ، ليگامىزدى حالىقارالىق دەڭگەيگە ءوسىرۋىمىز قاجەت، — دەدى ول.

سونىمەن قاتار، تۇساۋكەسەردە QFL سايتى مەن كاسىپقوي فۋتبول ليگاسىنىڭ الەۋمەتتىك جەلىدەگى جاڭارتىلعان پاراقشالارى ۇسىنىلدى. ءىس-شارادا جاڭا ماۋسىمنان باستاپ، ويىنداردىڭ ەفيرلىك ساپاسى ايتارلىقتاي جاقساراتىنى تۋرالى ايتىلدى. تىكەلەي ەفيردى كوبەيتۋ ءۇشىن كاسىبي بەينەكامەرانىڭ كوبەيىپ، ارنايى مەديا پلاتفورمانىڭ ازىرلەنىپ جاتقانى بەلگىلى بولدى.

جاقىن ارادا جاڭا Q-Football تەلەارناسى اشىلادى. سونداي-اق، ماۋسىمنىڭ تۇساۋكەسەر راسىمىندە Wildberries كومپانياسىمەن بىرلەسىپ ازىرلەنگەن QFL رەسمي دوبى كورسەتىلدى. بۇل كومپانيا كاسىپقوي فۋتبول ليگاسىنىڭ جاڭا دەمەۋشىسى.

سونىمەن بىرگە تۇساۋكەسەر قوناقتارى جاڭا QFL سايتىنىڭ ىسكە قوسىلۋى مەن الەۋمەتتىك جەلىدەگى ليگانىڭ جاڭارتىلعان بەتتەرىنە كۋا بولدى. ءىس-شارادا جاڭا ماۋسىمنان باستاپ، ويىنداردىڭ ەفيرلىك ساپاسى ايتارلىقتاي جاقساراتىنى مالىمدەلدى. تىكەلەي ەفيرلەردى ءوندىرۋ ءۇشىن كاسىبي بەينەكامەرالار سانى ۇلعايتىلدى، جاڭا گرافيكالىق پاكەت ەنگىزىلدى، ارنايى مەديا پلاتفورما ازىرلەنۋدە جانە جاقىن ارادا جاڭا Q-Football تەلەارناسى قوسىلادى. سونداي-اق، كەش سوڭىندا بارلىق قاتىسۋشىلارعا جاڭا دەمەۋشى Wildberries كومپانياسىمەن بىرلەسىپ ازىرلەنگەن QFL رەسمي دوبى كورسەتىلدى.

ەسكە سالا كەتسەك، 1 ناۋرىزدان باستاپ، Qazaqstan Football League برەندىمەن پرەمەر-ليگانىڭ جاڭا ماۋسىمى باستالادى.

 

View this post on Instagram

 

A post shared by KFF | Kazakhstan Football Federation (@kff_resmi)