الماتىدا جاڭا ديلەرلىك ورتالىق اشىلدى

الماتىدا «سيلۆەر» رەسمي اۆتوكولىك ديلەرلەر توبىنىڭ Mitsubishi Motors ديلەرلىك ورتالىعىنىڭ سالتاناتتى اشىلۋ ءراسىمى ءوتتى.

ديلەرلىك ورتالىقتىڭ سىرتقى كەلبەتى مەن ىشكى كورىنىسى قىزىل ەلەمەنتتەرى بار، قارا جانە اق تۇستەر باسىم بولاتىن Mitsubishi جاڭارتىلعان جاھاندىق ديزاينىنا سايكەس جاسالعان. جاڭا اۆتوسالون شامامەن 1700 شارشى مەتردى الىپ جاتىر. سوندىقتان سالوندا اۆتوكولىكتەردى كورسەتۋ ءۇشىن بارلىق قاجەتتى قىزمەتتەر ءۇشىن دە، ماماندار بارلىق تەحنيكالىق جۇمىستاردى ورىندايتىن قىزمەت كورسەتۋ ايماعى ءۇشىن دە جەتكىلىكتى ورنى بار. ديلەرلىك ورتالىقتا اۆتوكولىكتەردى كورسەتۋگە ارنالعان شوۋ بار. قاجەتتى قارجىلىق جانە ساقتاندىرۋ ونىمدەرى، سونىڭ ىشىندە ديلەرلىك ورتالىق ماماندارىنان كاسىبي كەڭەس الۋعا بولاتىن trade-in قىزمەتى قاراستىرىلعان. ساتۋ ءبولىمىنىڭ جوعارى بىلىكتى مەنەدجەرلەرى كليەنتكە بارلىق مودەلدەر قاتارىنىڭ تۇساۋكەسەرىن وتكىزۋگە، سونداي-اق Mitsubishi ماركالى اۆتوكولىكتەردە تەست-درايۆ ۇيىمداستىرۋعا دايىن.

سالتاناتتى راسىمگە وراي وتكەن ءباسپاسوز ءماسليحاتىنا «ممس كاز» جشق پرەزيدەنتى، باس اتقارۋشى ديرەكتورى وسامۋ يۆابا مەن «سيلۆەر» كومپانياسىنىڭ باس ديرەكتورى نيكولاي ۆويتين قاتىستى.

«ممس كاز» پرەزيدەنتى جانە باس اتقارۋشى ديرەكتورى وسامۋ يۆابا: «سيلۆەر» — Mitsubishi جەلىسىنىڭ ۇزدىك ديلەرلەرىنىڭ ءبىرى! ءبىز ىنتىماقتاستىعىمىزدى ماقتان تۇتامىز جانە ارىپتەستەرىمىزدىڭ الماتىدا العاشقى ديلەرلىك ورتالىعىن اشىپ، حالىقارالىق دەڭگەيگە شىققانىنا قۋانىشتىمىز، — دەدى.

«ممس كاز» جشس باس ديرەكتورى وسامۋ يۆابا اتاپ وتكەندەي، جاپوندىق ءوندىرۋشى ءوز ونىمدەرىنىڭ قازاقستان حالقى  اراسىندا تانىلۋىن جانە تاماشا بەدەلىن جوعارى باعالايدى. قازىرگى ۋاقىتتا Mitsubishi Motors كونتسەرنى برەندتىڭ اۆتوكولىكتەرى زاماناۋي اۆتوكولىك جۇرگىزۋشىلەرىنىڭ نەگىزگى تالاپتارى مەن سۇرانىستارىن قاناعاتتاندىرۋ ءۇشىن، سونىمەن قاتار سەنىمدى، ىڭعايلى، ۇنەمدى جانە جوعارى تەحنولوگيالىق بولۋى ءۇشىن بار كۇشىن سالۋدا.

«سيلۆەر» كومپانياسىنىڭ باس ديرەكتورى نيكولاي ءۆويتيننىڭ ايتۋىنشا، جيىرما جىل تابىستى جۇمىس ىستەگەن بويى، «سيلۆەر» رەسمي اۆتوكولىك ديلەرلەرىنىڭ توبى رەتىندە جەكە جانە كاسىبي كوزقاراسپەن ەرەكشەلەنىپ، جەكە جانە كورپوراتيۆتىك كليەنتتەر ءۇشىن سەنىمدى سەرىكتەس ەكەنىن كورسەتتى. كومپانيا بارىنشا جايلى، ىڭعايلى قىزمەتتى قامتاماسىز ەتۋگە جانە كليەنتتەرىمىزدىڭ ادالدىعىن ارتتىرۋعا بار كۇشىمىزدى سالادى. جاڭا ديلەرلىك ورتالىق كومپانيانىڭ وڭىردەگى برەندتىڭ جاڭارتىلعان ءيميدجىنىڭ ۇلگىسى بولادى.

نۇرلان قۇمار،

الماتى