Kórkem gımnastshy Aıbota Ertaıqyzy eki medal jeńip aldy

Búgin Estonııanyń Tartý qalasynda kórkem gımnastıkadan dástúrli «Mıss Valentaın» Gran-prıi aıaqtaldy, dep habarlady Týrızm jáne sport mınıstrliginiń Sportty damytý dırekııasy.

Bıyl 30 memleketten tańdaýly 33 sportshy qatysqan jarysta otandasymyz Aıbota Ertaıqyzy eki medal jeńip aldy. Ulttyq qurama ókili doppen óner kórsetýde kúmis júldeger atansa (32.700 ball), shyǵyrshyq jattyǵýynda qolaǵa (32.550 upaı) ıe boldy.

Sondaı-aq Aıbota Ertaıqyzy urshyq jáne lentamen óner kórsetýde fınalǵa shyǵyp, júldege bir taban jetpeı, tórtinshi orynǵa ıe boldy.

«Mıss Valentaın» týrnıri 1995 jyldan beri turaqty bolyp jatyr. 2020 jyldan bastap jarys kórkem gımnastıkadan halyqaralyq Gran-prı serııasyna qosylǵan.