رىباكينا WTA 1000 تۋرنيرىنە قاتىسادى

6-17 ناۋرىزدا اقش-تىڭ ينديان-ۋەللس قالاسىندا وتەتىن ءتۋرنيردىڭ جەرەبەسى تارتىلدى.

ينديان-ۋەللس WTA 1000 جارىسىن قازاقستاننىڭ ءبىرىنشى، الەمنىڭ 4-راكەتكاسى ەلەنا رىباكينا ەكىنشى اينالىمنان باستاپ، رەيتينگىدە 73-ورىنداعى يسپانيالىق پاۋلا بادوسامەن نەمەسە امەريكالىق ەشلين كريۋگەرمەن (№ 71) كەزدەسەدى. بۇل ەكى تەننيسشى دە تۋرنيرگە ارنايى شاقىرتۋ العان.

تاعى ءبىر تەننيسشىمىز يۋليا پۋتينتسەۆا العاشقى اينالىمدا الەمنىڭ 76-راكەتكاسى، گەرمانيالىق تامارا كورپاچپەن وينايدى. قازىر پۋتينتسەۆا گفر سپورتشىسىنان ءۇش ساتى تومەن، ياعني 79-ورىندا تۇر.

بىلتىر ينديان-ۋەللستە رىباكينا ۇزدىك شىقسا، پۋتينتسەۆا ءبىرىنشى ويىنىندا سۇرىنگەن ەدى.

ەرلەر اراسىندا ينديان-ۋەللس ماستەرس تۋرنيرىندە 20-راكەتكا بولىپ تىركەلگەن الەكساندر بۋبليك تە ويىنىن ەكىنشى اينالىمنان باستايدى. ونىڭ قارسىلاسى الەمنىڭ 33-راكەتكاسى، اۋستراليالىق دجوردان تومپسون نەمەسە ىرىكتەۋ سايىسى جەڭىمپازدارىنىڭ بىرەۋى بولادى.

الەمنىڭ 51-راكەتكاسى الەكساندر شەۆچەنكو العاشقى ماتچىندا رەيتينگىدە وزىنەن ەكى ساتى جوعارى تۇرعان گەرمانيالىق دومينيك كيوپفەرمەن وينايدى.

داستان كەنجالين،

استانا