Rybakına WTA 1000 týrnırine qatysady

6-17 naýryzda AQSh-tyń Indıan-Ýells qalasynda ótetin týrnırdiń jerebesi tartyldy.

Indıan-Ýells WTA 1000 jarysyn Qazaqstannyń birinshi, álemniń 4-raketkasy Elena Rybakına ekinshi aınalymnan bastap, reıtıngide 73-oryndaǵy ıspanııalyq Paýla Badosamen nemese amerıkalyq Eshlın Krıýgermen (№ 71) kezdesedi. Bul eki tennısshi de týrnırge arnaıy shaqyrtý alǵan.

Taǵy bir tennısshimiz Iýlııa Pýtıneva alǵashqy aınalymda álemniń 76-raketkasy, germanııalyq Tamara Korpachpen oınaıdy. Qazir Pýtıneva GFR sportshysynan úsh saty tómen, ıaǵnı 79-orynda tur.

Byltyr Indıan-Ýellste Rybakına úzdik shyqsa, Pýtıneva birinshi oıynynda súringen edi.

Erler arasynda Indıan-Ýells masters týrnırinde 20-raketka bolyp tirkelgen Aleksandr Býblık te oıynyn ekinshi aınalymnan bastaıdy. Onyń qarsylasy álemniń 33-raketkasy, aýstralııalyq Djordan Tompson nemese irikteý saıysy jeńimpazdarynyń bireýi bolady.

Álemniń 51-raketkasy Aleksandr Shevchenko alǵashqy matchynda reıtıngide ózinen eki saty joǵary turǵan germanııalyq Domınık Kıopfermen oınaıdy.

Dastan KENJALIN,

ASTANA