Qazaqstan boksshylary jeti joldama úshin kúsh synasady (VIDEO)

Bokstan Italııanyń Býsto-Arsııo qalasynda ótip jatqan Olımpıadaǵa irikteý týrnırinde ulttyq quramanyń jeti sportshysy Parıj Olımpıadasynyń lıenzııasy úshin kúsh synasady.

Qazaqstan ýaqytymen saǵat 17:30-de 92 keli salmaqtaǵy Aıbek Oralbaı AQSh-tyń boksshysy Jamar Talleımen kúsh synasady.

Saǵat 19:30-da áıelder jekpe-jeginde Valentına Halzova men Kındı Ngamba (Ulybrıtanııa) sharshy alańǵa shyǵady. Olar 75 kelide qolǵap túıistiredi. Ngamba byltyrǵy jylǵa deıin bosqyndar quramasynda judyryqtasyp kelgen.

Keshki sessııada saǵat 23:00-de 50 kg salmaqtaǵy boksshylardyń aıqasy bastalady. Munda Alýa Balqybekova men Maksı Karına Kloetzer (Germanııa) shyn myqtyny anyqtap kóredi.

Odan keıin saǵat 00:00-de 51 keli salmaqtaǵy Sáken Bıbosynov Eýropa chempıonatynyń kúmis júldegeri, brıtandyq Kıaran Makdonaldpen  (Ulybrıtanııa) kezdesse, saǵat 00:30-da 57 kelidegi  Mahmud Sabyrhan men Asror Vohıdov (Tájikstan) judyryqtasady.

Tájik bylǵary qolǵap sheberi 2011 jyly Astana tórinde ótken jasóspirimderdiń álem chempıonatynda top jarǵan. 2011 jyly álemde eń myqty jasóspirim ataǵyn jeńip aldy.

Saǵat 00:45-te 71 keli salmaqtaǵy Aslanbek Shymbergenov Ázerbaıjannyń ókili, 2021 jylǵy álem chempıonatynyń qola júldegeri Varhan Alıevpen judyryqtasady.

Saǵat 01:30-da 80 kelidegi Nurbek Oralbaı 2021 jylǵy álem chempıonatynyń shırek fınalısi, Eýropa oıyndarynyń kúmis júldegeri Kelın Kassıdımen (Irlandııa) joldamaǵa talasady.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)