Grek-rım kúresi: Qazaqstan eki altyn medal aldy

Astanada grek-rım kúresinen qazaqtan shyqqan tuńǵysh Olımpıada chempıony, dańqty balýan Jaqsylyq Úshkempirovty eske túsirýge arnalǵan halyqaralyq týrnır aıaqtaldy.

Týrnır úsh kún bolyp, 10 salmaq boıynsha jeńimpazdar anyqtaldy.

Jarys qorytyndysy boıynsha beıtarap eldiń sportshylary tórt altyn júldemen jalpy esepte top jarsa, Ázerbaıjan — 3 altyn, Qazaqstan 2 altyn medalmen úzdik úshtikti túıindedi.

Ekinshi jarys kúniniń júldegerleri:

60 kg

1.Ońdasyn Hamıtov (Qazaqstan)

2.Kýbaných Arınov (Qyrǵyzstan)

3.Quttybek Abdýrazakov (Qyrǵyzstan)

Almaz Mazıtov (beıtarap el)

67kg

1.Faraım Mýstafaev (Ázerbaıjan)

2.Baǵdat Sabaz (Qazaqstan)

3.Tavakgýl Hazıev (Ázerbaıjan)

Greır Oganesıan (beıtarap el)

77 kg

1.Davýd Mammadov (Ázerbaıjan)

2.Gamzat Gadjıev (beıtarap el)

3.Magomed Iarbılov (beıtarap el)

Kanan Abdýllazade (beıtarap el)

87 kg

1.Mansýr Saıtov (beıtarap el)

2.Alı Temlan Gýlıev (Ázerbaıjan)

3.Baǵdat Qýanysh (Qyrǵyzstan)

Jojý Samadov (Qyrǵyzstan)

130 kg

1.Aleksandr Melehov (beıtarap el)

2.Marko Mılanovıch (Majarstan)

3.Johar Ýzarov (Qazaqstan)

Artýr Boıchýk (Ýkraına)

Týrnırge qatysqandardyń arasynda Reseı chempıony Erzý Zakrıev, 23 jasqa deıingi álem chempıonatynyń qola júldegeri Rýslan Nýrýllaev (Ázerbaıjan), 20 jasqa deıingi Eýropa chempıonatynyń júldegerleri Davýd Mammadov, Faraım Mýstafaev (Ázerbaıjan) syndy óz salmaǵynyń myqty balýandary chempıon atandy.

Qazaq kúresiniń ańyzy, Olımpıada chempıony Jaqsylyq Úshkempirovtyń týrnıriniń ótkizilýine atsalysqanyma óte qýanyshtymyn.

Men 2015 jyly Rıo Olımpıadasynyń joldamasy úlestirilgen Azııa qurlyǵynyń irikteý týrnıri, 2019 jyly álem chempıonaty, 2021 jyly Tokıo Olımpıadasynyń qurlyqtyq jarysyna kelgenmin. Mine, osy joly tórtinshi márte at basyn burdym. Ýaqyt ótken saıyn Qazaqstannyń uıymdastyrý dárejesi artyp jatqanyn baıqadym.

Bul týrnır balýandar úshin aldaǵy eresekter jarysynda úlken kómegi tıedi dep senemin, — dedi UWW tehnıkalyq delegaty Sent Leven.

Endi otandastarymyz aldaǵy sáýir aıynda Qazaqstan chempıonatynda baq synaıdy.

 

Qanat BAIUZAQOV,

ASTANA