SportPress.kz Qazaqstan sport jańalyqtary
Fýtboldan Qazaqstan ulttyq quramasy Birikken Arab Ámirliginde oqý-jattyǵý jıynynyń aıasynda Túrkimenstan komandasymen joldastyq kezdesý ótkizip, 2:0 esebimen jeńdi.
Match telearnadan kórsetilgen joq. Sondyqtan match týraly málimetti Qazaqstan fýtbol federaııasy ózi áleýmettik jelide jarııalady.
QFF-nyń habarlaýynsha, kezdesýde el quramasynan Islam Chesnokov Maksım Samorodovtyń bergen pasyn paıdalanyp, 2-mınýtta, odan keıin Aleksandr Zýev 47-mınýtta gol saldy. Zýev Erkin Tapalovtyń pasyn alyp, alystan toǵyzdyqty kózdep, dopty torǵa toǵytty.
Match jabyq arenada boldy. Buǵan deıin qurama komandalar úsh ret oınaǵan bolatyn. Sonyń bireýinde Qazaqstan quramasy jeńiske jetse, eki oıyn teń aıaqtalǵan.
Bul oıynǵa ulttyq quramanyń basym bóligi jınaldy. Endi bas jattyqtyrýshy Magomed Adıev jasaqtaǵan komanda 19 naýryzǵa deıin oqý-jattyǵý jıynyn ótkizip, ári qaraı Grekııanyń Afına qalamsyna jolǵa shyǵady. 21 naýryzda ulttyq qurama Ulttar lıgasyndaǵy «Tórttiktiń týrnırinde» syrt alańda Grekııamen kezdesedi. Eger Qazaqstan jeńse, 26 naýryzda taǵy da syrt alańda Grýzııa-Lıýksembýrg komandalarynyń arasyndaǵy oıynnyń jeńimpazymen oınaıdy.
